ەلىمىزدە وزىنەن ۇلكەن ايەلدەرگە ۇيلەنەتىن جىگىتتەر كوبەيىپ كەتكەن
وزىنەن 5-10 جاس ۇلكەن ايەلمەن وتباسى قۇرىپ جاتقان جىگىتتەردىڭ سانى كوپ ەكەنىن ا ح ا ج ءبولىمى دە راستاپ وتىر. ولار بۇل كورسەتكىشتىڭ كۇن ساناپ ارتىپ كەلە جاتقانىن دا ايتادى.
وسى ماسەلەگە قاتىستى وزىنەن التى جاس كىشى جىگىتكە تۇرمىسقا شىققان جايدارمانشى مەرەكە باۋىرجان قىزى دا پىكىر بىلدىرگەن.
«شىنىمەن مىقتى جىگىت تابۋ قيىن. مەن كوبىنەسە جىگىتتەردىڭ مىنەزىنە قارايمىن. ماعان كوپ سويلەيتىن، وزىنشە ءبىر كۇلدىرگىسى كەلەتىن، دابىرلاپ قالعان جىگىتتەر ۇنامايدى. وكىنىشكە وراي، ونداي جىگىتتەر از. كىپ- كىشكەنتاي بالا عوي دەپ ءوزىم ايتىپ الدىم دا، ءبىراق كەلىپ ىستەپ جاتقان ىستەرى، ايتىپ جاتقان سوزدەرىنىڭ بارلىعى جۇرتتار 85-87-ايتىپ جاتىر دا، سولاردان كەم ەمەس»، - دەيدى مەرەكە باۋىرجان قىزى.
ال وتاسقاندارىنا سەگىز جىل بولعان اسقاربەك ەسەنقايىر مەن اسەمگۇلدىڭ قازىر ەكى بالاسى بار. جارىنىڭ جاسى اسقاربەكتەن ۇلكەن بولعانىمەن، بۇل ولاردىڭ بىرگە بولۋىنا ەش كەدەرگى كەلتىرمەپتى.
«باسىندا ەندى قارسى بولدى عوي، سوسىن ۇيلەنىپ بالا بولعاننان كەيىن. ەشكىمدى تىڭدامايسىڭ. باقىتتى بولساڭ بولدى دەدى»، - دەيدى قالا تۇرعىنى اسقاربەك ەسەنقايىر.
بۇل ماسەلەگە قاتىستى الەۋمەتتەنۋشىلاردىڭ پىكىرى ەكىگە ءبولىندى. ولاردىڭ ءبىرى بۇل ماحابباتتىڭ بەلگىسى ەكەنىن ايتسا، ەكىنشىلىرى ەركەكتەردىڭ جاۋاپكەرشىلكتەن قاشىپ، دايىن نارسەگە قول جەتكىزۋگە تىرىسۋى دەپ تۇسىندىرەدى.
بۇل تۇرعىدا قوعام بەلسەندىسى اسىلگۇل ءابىش تە ءوز پىكىرىن ايتتى. ونىڭ پايىمداۋىنشا، جانۇيادا جىگىتتىڭ جاسى قىز بالادان ۇلكەن بولعانى ابزال.
«قازىر قوعامدا اجىراسۋ كوپ، ءجيى بولىپ جاتىر. جاس ازاماتتار، وزىنەن جاسى ۇلكەن ايەل بالاسىنا ۇيلەنسە. اقىل توقتاتقان، بايسالدى قىزىعۋشىلىعى بار شىعار. ال نەگىزى ايەل ادام جاسى كىشى، ەر ادامدى ۇلكەن بولۋ كەرەك قوي» - دەيدى قوعام بەلسەندىسى اسىلگۇل ءابىش.
2017 -جىلى مۇنداي جۇپتاردىڭ 10 پايىزى نەكەلەرىن قيعان. ال ۇستىمىزدەگى جىلدىڭ سوڭعى توعىز ايىندا جاسى ۇلكەن ايەلدەرگە ۇيلەنگەن جىگىتتەر 25 پايىزعا جەتىپتى.
