جەر تەلىمدەرى ەندى ەلەكتروندى تۇردە ساتىلماق

None
None
استانا. قازاقپارات -  2021 -جىلدان باستاپ قازاقستاندا جەر ۋچاسكەلەرى ەلەكتروندى تۇردە عانا ساتىلماق. بۇل تۋرالى 25 - قىركۇيەكتەگى ۇكىمەتتىڭ سەلەكتورلىق رەجيمدەگى وتىرىسىندا ق ر اۋىل شارۋاشىلىعى ءبىرىنشى ۆيتسە- ءمينيسترى ارمان ەۆنييەۆ مالىمدەدى.

 ۇكىمەت وتىرىسىنىڭ كۇن تارتىبىندەگى تاقىرىبىنا (وڭىرلەردى دامىتۋدىڭ 2020 -جىلعا دەيىنگى باعدارلاماسىن ىسكە اسىرۋ مەن ونى وزەكتەندىرۋ بارىسى، اگروونەركاسىپتىك كەشەندى سيفرلاندىرۋ) سايكەس، ق ر اۋىل شارۋاشىلىعى مينيسترلىگىنىڭ جوسپارى پرەمەر- مينيستر باقىتجان ساعىنتايەۆتىڭ ءجىتى نازارىندا بولدى. "2019 -جىلعا قاراي ونلاين- نەسيەلەندىرۋ بويىنشا العاشقى جوبا جوسپاردا تۇر. 2021 -جىلى پروتسەسس تولىق اۆتوماتتاندىرىلادى جانە كوكتەمگى ەگىستىك جۇمىستارىن جۇرگىزۋ كەزىندە ءبىر باتىرما ارقىلى ونلاين- نەسيەلەندىرۋ قول جەتىمدى بولماق"، - دەدى ا. ەۆنيەۆ بۇعان دەيىن اگروونەركاسىپتىك كەشەندى سيفرلاندىرۋ نەگىزىندە ەلىمىزدە ونلاين- نەسيەلەندىرۋ ارقىلى نەسيەلەر مەن كەپىلدىكتەرگە ارنالعان ءوتىنىمدى اۆتوماتتاندىرۋ جۇرگىزىلگەن.

بۇل فەرمەرلەر مەن شارۋالاردىڭ جول ءجۇرۋ شىعىندارىن ازايتۋعا جانە ءوتىنىمدى ءوز ۋاقىتىندا جۇرگىزۋدى باقىلاۋعا مۇمكىندىك بەردى. بۇگىندە ءباسساۋدا مەن ساۋدا- ساتتىقتا جەردى الۋ پروتسەسى اۆتوماتتاندىرىلماعان جانە جەر ۋچاسكەلەرىنىڭ اشىق كارتاسى جوق. "2019 -جىلدىڭ 1 - شىلدەسىنە دەيىن بىرنەشە وبلىستا سىناق رەجيمىندە جەر تەلىمدەرىن تەك ەلەكتروندى تۇردە عانا بەرۋ جوسپارلانىپ وتىر. ال 2021 -جىلدان باستاپ پروتسەسس تولىق رەجىمدە باستالماق. ال 2019 -جىلدىڭ سوڭىنا دەيىن جەر تەلىمدەرىنىڭ اشىق كارتاسى جاسالادى"، - دەدى ۆيتسە- مينيستر.

 

Massaget.kz

سوڭعى جاڭالىقتار