قازاقستان مەن قىتاي ءوزارا كولىك تاسىمالىن جانداندىرماقشى
كەزدەسۋ بارىسىندا ەكىجاقتى جۇك جانە جولاۋشىلار تاسىمالى سالاسىنداعى پروبلەمالىق ماسەلەلەر قاراستىرىلىپ، 2018 -جىلعا رۇقساتتاما بلانكىلەرىمەن الماسۋ كۆوتاسىنىڭ سوڭعى كولەمى جانە 2019 -جىلعا الدىن الا كولەمى بەلگىلەندى.
كەلىسسوزدەر ناتيجەسىندە ءبىرقاتار كەلىسىمدەرگە قول جەتكىزىلدى.
قازاقستاندىق اۋىر جۇك ماشينالارىنىڭ ءۇرىمجى، ينين جانە التاي قالالارىنا دەيىن ءجۇرىپ ءوتۋى ءۇشىن قىتاي تاراپىنان زاڭناما مەن ستاندارتتاردى TIR كونۆەنتسياسىنىڭ تالاپتارىنا سايكەستەندىرۋ بويىنشا جۇمىستار اتقارىلادى. وسى ۋاقىتقا دەيىن اۋىر جۇك اۆتوموبيلدەرىنىڭ شاناعى تۇتاس مەتالدى نەمەسە توبە شاتىرى مەتالدى جانە شاناقتىڭ ەكى جاعىنان برەزەنت تەنتى بولۋ قاجەت.
سونىمەن بىرگە، قىتايلىق اۋىر جۇك ماشينالارىنىڭ «قورعاس» ش ى ح و- نىڭ قازاقستان جاعىنا وتۋىنە تىيىم سالىنۋى تۋرالى ماسەلە تالقىلاندى. قىتاي تاراپى «قورعاس» ش ى ح و باسقارۋشى كومپانياسىمەن كەڭەس وتكىزگەنىن جانە تىيىمنىڭ الىنىپ تاستالعانى تۋرالى جاۋاپ العانىن حابارلادى.
2019 -جىلدىڭ ءبىرىنشى توقسانىندا ۇرىمجىدەن الماتىعا، تالدىقورعانعا، شونجىعا، گەورگيەۆكاعا جانە شىمكەنتكە تۇراقتى حالىقارالىق اۆتوبۋس باعدارلارىنا قىزمەت جاسايتىن ق ر مەن ق ح ر ش ۇ ا ر تاسىمالداۋشىلارىنىڭ شىعۋى تەپە- تەڭ تاسىمالدى قامتاماسىز ەتۋ ءۇشىن اپتا كۇندەرىنە بولىنەدى.
ەكى تاراپ تۇراقتى حالىقارالىق اۆتوبۋس باعدارلارىنىڭ جۇمىسىن بۇزعان تاسىمالداۋشىلار تۋرالى اقپاراتپەن الماسۋى تۋرالى كەلىستى.
2018 -جىلى 10 مىڭ دانا كولەمىندە «س» تۇرىندەگى رۇقساتتاما بلانكىلەرىن قوسىمشا الماسۋ تۋرالى، ال 2019 -جىلى 50 مىڭ بلانكىمەن الماسۋ تۋرالى شەشىم قابىلداندى.
Baq.kz
