الەمدەگى الدىنعى قاتارلى ەلەكترونيكالىق كومپانيادا قىزمەت ىستەيتىن موڭعوليالىق قازاق قىزى

استانا. قازاقپارات- ا ق ش- تان ءبىلىم العان، موڭعوليالىق قازاق قىزى، جاس ينجەنەر ايگەرىم ساۋلەتحان قىزى الەمدەگى الدىنعى قاتارلى ەلەكترونيكالىق Apple كومپانياسىندا باعدارلامالىق ينجەنەر قىزمەتىن اتقارادى، دەپ حابارلايدى Baq.kz اقپارات اگەنتتىگى.

montsame.mn اگەنتتىگىنىڭ مالىمەتىنە قاراعاندا، ول 2017 -جىلى ا ق ش- تىڭ حيۋستون قالاسىندا ІТ ماماندىعى بويىنشا ءبىلىم العان. جاستايىنان پارلامەنت دەپۋتاتتى بولۋدى ارمانداعان ارۋ ءوز ءومىرىن ІТ سالاسى مامانى رەتىندە باستادى.

ول ءوزىنىڭ وسى بيىككە جەتۋىنە تۋعان شەشەسىنىڭ ەرەكشە قامقورلىعى ارقاسىندا جەتكەنىن ايتادى.

«Apple» كومپانياسى 126 مىڭ جۇمىسشىسى بار الىپ ءوندىرىس ورىنى. سولاردىڭ ورتاسىندا قازاقتىڭ قارشاداي قىزى دا الەمگە ءوز قولتاڭباسىن قالتىرۋعا ۇمتىلىپ ءجۇر.

ءبىر قىزىعى، ايگەرىم اتالعان كومپانيادا جۇمىس ىستەۋگە قابىلەتى ساي كەلگەن العاشقى موڭعوليالىق ازامات. ءتىپتى العاشقى قازاق قىزى بولۋى دا مۇمكىن.

Baq.kz