اقان ساتايەۆ «توميريس» فيلمىندە كير پاتشانى سومدايتىن اكتەردى تانىستىردى

استانا. قازاقپارات - اقان ساتايەۆ ءتۇسىرىپ جاتقان «توميريس» فيلمىندە پارسى پاتشاسى كيردىڭ ءرولىن اراب- امەريكالىق اكتەر گاسسان ماسسۋد سومدايتىن بولدى.

 بۇل تۋرالى رەجيسسەر ءوزىنىڭ ينستاگرام پاراقشاسىندا جازدى، دەپ حابارلايدى قازاقپارات ءتىلشىسى.

«دوستار، ءبىزدىڭ «توميريس» فيلمىندە كيردىڭ ءرولىن دارىندى، تارتىمدى ءارى ايگىلى گاسسان ماسسۋد سومدايتىنىن قۋانىشپەن ءارى ماقتانىشپەن حابارلايمىن. ول ريدلي سكوتتىڭ فيلمدەرىندە، اسىرەسە «كوك پاتشالىعى» فيلمىندە ءوزىنىڭ مىنەزدى رولدەرىمەن بەلگىلى. بۇگىن ول ءبىرىنشى رەت ءبىزدىڭ ءتۇسىرىلىم الاڭىندا جۇمىس ىستەدى. ءبىزدىڭ فيلمگە اتسالىسقان ادامداردىڭ بارىنە زور العىسىمدى بىلدىرگىم كەلەدى»، - دەدى اقان ساتايەۆ ءوزىنىڭ فەيسبۋك پاراقشاسىندا.

ەسكە سالا كەتسەك، اقان ساتايەۆتىڭ «توميريس» اۋقىمدى تاريحي تۋىندىسىنىڭ باستى كەيىپكەرى الميرا تۇرسىن جوباداعى تۇسىرىلىمدەرىن اياقتاعانىن حابارلاعان بولاتىنبىز.

اۆتور: ايان بەكەن ۇلى