قازاقستاندا ەمحاناعا تىركەۋ ناۋقانى باستالادى
«ەكى ايعا سوزىلاتىن ءداستۇرلى ناۋقان قاراشانىڭ 15 ىندە اياقتالادى. وتكەن جىلعى تىركەۋ ناۋقانىندا ەمحانا تاڭداۋ مۇمكىنشىلىگىن پايدالانعان قازاقستاندىقتاردىڭ سانى 300 مىڭنان اسقان بولاتىن. بۇل الدىڭعى جىلداردىڭ كورسەتكىشتەرىمەن سالىستىرعاندا ەكى ەسە كوپ. بۇعان قوسا، تىركەۋ ناۋقانىنا دەگەن قىزىعۋشىلىقتىڭ ارتقانىن، ازاماتتاردىڭ اتالعان ناۋقان تۋرالى عانا ەمەس ەمحانانى ەركىن تاڭداۋ قۇقىعى جايلى بىلەتىندىگىن كورسەتەدى» ، - دەدى ول.
ونىڭ ايتۋىنشا، مۇنداي ناۋقاندى وتكىزۋدىڭ بىرنەشە سەبەبى بار. اتاپ ايتقاندا، تۇرعىندارعا قازىرگى ۋاقىتتا قارالىپ جۇرگەن ەمحاناسىنان باسقا مەديتسينالىق مەكەمەنى تاڭداۋىنا مۇمكىندىك بەرىلەدى. سونىمەن قاتار مەدتسينالىق قىزمەت كورسەتۋ نارىعىنا جاڭادان قوسىلعان ۇيىمدارعا الداعى جىلى حالىققا قىزمەت كورسەتۋ تاپسىرىسىن الۋعا جاعداي جاسايدى.
«ول ءۇشىن ءبىزدىڭ الەۋەتتى جەتكىزۋشىلەرىمىز زاڭنامامەن بەلگىلەنگەن تالاپتارعا ساي بولۋى ءتيىس. ونىڭ ىشىندەگى ەڭ باستىسى الەۋمەتتىك مەديتسينالىق ساقتاندىرۋ قورى تۇزەتىن جەتكىزۋشىلەر بازاسىندا جانە بەلگىلى ءبىر تىكركەلگەن تۇرعىندارى بولۋى قاجەت» ، - دەدى بوتاگوز جاقسەلەكوۆا.
