ەكىنشى جارتىڭىز قايدا؟
- ادامدار ءوز جانى الماعا ۇقساس دەپ ويلايدى.
- قالاي سوندا؟ - دەپ قىزىعا سۇرادى شاكىرتى.
- دالىرەك ايتساق، المانىڭ جارتىسى. شامامەن وسىنداي، - دەپ المانى ورتاسىنان ءبولىپ، ۇستەلدىڭ ۇستىنە قويدى، - ءار ادامنىڭ ءوز جارتىسى، يدەالى بولادى - ادامداردا وسىنداي سەنىم بار.
جاراتقان جاندى الەمگە جىبەرەر كەزدە ورتاسىنان ءبولىپ، ءبىرىن ەر، ءبىرىن ايەل ەتىپ، ەكى جارتى تۇرىندە جىبەرەدى. الما سياقتى. مىنە، وسىلاي كەزىپ ءجۇرىپ، ءار ادام ءوز جارتىسىن ىزدەيدى.
ءسويتىپ تابا ما، سەن قالاي ويلايسىڭ؟ قانشالىقتى ءوز جارتىسىن ءدال تابادى؟ الەمدە قانشا ادام بار؟
- وتە كوپ. - ءدال سولاي. سويتە تۇرا، ولار ءبىر- ءبىرىن تابادى. ارى قاراي نە بولادى؟ ءبۇتىن المانى قۇراپ، ارى قاراي تاتۋ- ءتاتتى ءومىر سۇرەدى دەپ ويلايسىڭ با؟
- ارينە، ءوزى دە سولاي ەمەس پە؟ - دەپ تاڭعالدى شاكىرت.
- جوق، ولاي ەمەس. ۇستازى ەكى جارتى المانى قايتادان قولىن الىپ، جوعارى كوتەردى.
- مىنە، الەمگە كەلگەن ەكى تازا جان. ال ولاردىڭ جانىن الەم قالاي وزگەرتەدى؟ فيلوسوف المانىڭ ءبىر جارتىسىن تىستەپ الدى دا: - الەم اۋمالى- توكپەلى بولادى ءارى قاتىگەز. ول وسىنداي نە باسقا دا ادىسپەن وزىندەگىنىڭ بارلىعىن ۇنتاقتايدى. بولىك- بولىك ەتىپ كەسەدى، تىستەيدى، شاينايدى، ەزبەگە اينالدىرادى، - دەپ، ەكىنشى جارتىسىن تىستەيدى دە، ءبىراز ۋاقىت ءۇنسىز قالادى. جانىندا تۇرعان شاكىرتتىڭ تاعاتى تاۋسىلىپ بارادى.
- ەندى، مىنە، - دەپ تىستەلگەن ەكى جارتىنى سالتاناتتى تۇردە كوتەرىپ، بىرىكتىرەدى، - ولار كەزدەسەدى. - قاراشى، ولار ءبىر- بىرىنە سايكەس كەلە مە؟ .. .جوق! - ەندى مىناعان قاراشى، - دەپ ۇستازى تاعى بىرنەشە المانى ورتاسىنان ءبولدى دە، ءارقايسىن ەكىگە ءبولىپ، باسقاسىمەن جابىستىردى.
- ولار ساي كەلمەيدى- دەپ باسىن شايقادى شاكىرتى. سايكەس كەلمەي تۇرعان المانىڭ ەكى جارتىسىن قوسا تىستەدى دە: - ەندى ساي بولدى ما؟ - دەپ سۇرادى.
- ءيا- ءا، - دەپ ويلانا باسىن يزەدى شاكىرت.
- سەبەبى الەم ولاردى جالعىز كەزىندە ەمەس، بىرىككەن تۇرىندە تىستەيدى. ءبىر- ءبىرىن سۇيگەن ادامدار ءبىر بۇتىنگە اينالادى: ءومىردىڭ قىزىعىنا بىرگە قۋانادى، تاعدىردىڭ سوققىسىن قاتار قابىلدايدى، ءبىرىن ءبىرى ءبىر اۋىز سوزدەن ءتۇسىنىپ، ۇعىنىپ تۇرۋعا ۇيرەنەدى، ءاردايىم ءبىر- ءبىرىن قولداپ، جەتىستىككە جەتۋىنە قاناتتاندىرادى. ۋاقىت وتە كەلە جاقسى جۇپ ءبىرىن- ءبىرى تولىقتىرادى، جاقسىسىن اسىرىپ، جامانىن جاسىرادى، ۇيلەسىمگە كەلىپ، ءتىپتى مىنەزدەرى دە ۇقساس بوپ كەتەدى. دەمەك، ەكىنشى جارتىسى تۋمايدى، ەكى جارتى ءبىر بۇتىنگە اينالادى. بۇل كوپ ەڭبەكتى تالاپ ەتەدى.
Massaget.kz
