10:09, 09 - قىركۇيەك 2018 | GMT +5
قازاقستاننىڭ كونديتەرلىك ونىمدەرى ەريەۆانداعى كورمەگە قويىلدى
ەرەۆان. قازاقپارات - قازاقستاننىڭ كونديتەرلىك كومپانياسى ەريەۆانداعى «Armenia Expo» حالىقارالىق ساۋدا-ونەركاسىپ كورمەسىندە ءوز ونىمدەرىن ۇسىنىپ جاتىر، دەپ حابارلايدى «قازاقپارات» ح ا ا ءتىلشىسى.
7- قىركۇيەك كۇنى ەريەۆاندا ارمەنيا پرەزيدەنتى ا. ساركيسياننىڭ قاتىسۋىمەن «Armenia Expo» 18-حالىقارالىق ساۋدا-ونەركاسىپ كورمەسى اشىلدى. وعان ءتۇرلى ەلدەردەن تاۋارلار مەن قىزمەتتەر نارىعىندا كوشباسشى بولىپ وتىرعان 170 كومپانيا قاتىسىپ وتىر.
ەكى كۇنگە سوزىلاتىن شارالار اياسىندا جەكەلەگەن پاۆيلوندار مەن ەكسپوزيتسيالاردا قۇرىلىس، تۋريزم، قارجى، اۋىر جانە جەڭىل ونەركاسىپ سالالارىنىڭ، ازىق-تۇلىك سەكتورىنىڭ ونىمدەرى مەن قىزمەتتەرى ۇسىنىلىپ وتىر.
