چەحيادا ەلباسىنىڭ جاڭعىرتۋ جونىندەگى رەفورمالارى تانىستىرىلدى
بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
فورۋمنىڭ قورىتىندى وتىرىسى بيىل ۆەنا جانە ۆەنەتسيادا بولعان دايىندىق جينالىستارىنىڭ نەگىزىندە ۇيىمداستىرىلدى جانە ءىس-شارانىڭ سەسسيالارى بارىسىندا ۇكىمەت، جەكە سەكتور، ازاماتتىق قوعام وكىلدەرىمەن قاتار حالىقارالىق ساراپشىلار تسيفرلىق ەكونوميكا داۋىرىندەگى مۇمكىندىكتەر، بيزنەس سەكتورىندا تسيفرلىق قاۋىپسىزدىك، مەملەكەتتىك جانە كورپوراتيۆتى جاقسى باسقارۋدا سيفرلىق يننوۆاتسيالار، سيفرلىق داۋىردە ادام كاپيتالى مەن ەكونوميكالىق ءوزارا بايلانىستىقتى ىلگەرىلەتۋ ماسەلەلەرى تالقىلاندى.
وسىنىڭ نەگىزىندە بيىل ميلاندا جوسپارلانعان ە ق ى ۇ سىرتقى ىستەر مينيسترلەر كەڭەسىندە ەكونوميكا جانە قورشاعان ورتا تاقىرىبىنا ارنالعان شەشىمدەردىڭ جوبالارىن قابىلداۋ مۇمكىندىگى قاراستىرىلدى.
فورۋمنىڭ اشىلۋ سەسسياسىندا مەملەكەت باسشىسىنىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنداعى باسىمدىقتارىنا قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى - ە ق ى ۇ ەكونوميكا جانە ەكولوگيا كوميتەتىنىڭ ءتوراعاسى قايرات سارىباي نازار اۋداردى.
يتاليا سىرتقى ىستەر جانە حالىقارالىق ىنتىماقتاستىق ءمينيسترىنىڭ ورىنباسارى دجۋليەلمو پيككي سيفرلاندىرۋ ە ق ى ۇ ءۇشىن جاڭا تاقىرىپ بولعانىنا قاراماستان، ۇيىم وسى تاقىرىپتىڭ توڭىرەگىندە ءوزىن جانداندىرا الاتىنىن مالىمدەدى. سونىمەن بىرگە، قازىرگى تاڭدا سيفرلاندىرۋ بيزنەستىڭ دامۋىنا ءارى جاڭا دەڭگەيگە شىعۋىنا وڭ ىقپال ەتىپ جاتقانىن جانە جاڭا جۇمىس ورىندارىنىڭ اشىلۋىنا سەبەپكەر بولعانىن اتاپ ءوتتى.
سونداي-اق سيفرلاندىرۋدان تۋىندايتىن قاۋىپ-قاتەرلەرگە بايلانىستى ۇيىمعا مۇشە ەلدەردىڭ كەڭەسە بىرلەسە جۇمىس جۇرگىزۋىنىڭ ماڭىزدىلىعى مەن قاجەتتىلىگىنە توقتالدى. چەحيا سىرتقى ىستەر ءمينيسترىنىڭ ورىنباسارى توماش پەتريچەك ەقىۇ ەكونوميكا جانە ەكولوگيا فورۋمىنىڭ ءوزارا سەنىم جانە ديالوگ ورناتۋ تۇرعىسىنان ەرەكشە پلاتفورما بولعانىن جەتكىزدى.
