ەلباسى: قازاقستان-قىتاي قاتىناستارى دۇرىس باعىتتا دامىپ كەلەدى
«قازاقستان تاۋەلسىز ەل بولعالى بەرى ەكى مەملەكەت اراسىنداعى ساۋدا-ەكونوميكالىق قارىم-قاتىناستار قارقىندى دامىپ كەلەدى. قىتاي حالىق رەسپۋبليكاسى - ءبىزدىڭ سىرتقى ساۋداداعى ءىرى ارىپتەسىمىز. وتكەن جىلدىڭ قورىتىندىسى بويىنشا ساۋدا اينالىمى 32 پروتسەنتكە ءوسىپ، 10 ميلليارد ا ق ش دوللارىنا جەتتى. شيرەك عاسىردان استام ۋاقىتتىڭ ىشىندە قىتاي ەلىنەن كەلگەن تىكەلەي ينۆەستيتسيانىڭ كولەمى 15 ميلليارد دوللاردان استى. قىتاي كومپانيالارى قازاقستاننىڭ ءىرى جوبالارىن ىسكە اسىرۋ جولىندا نەگىزگى سەرىكتەستەرىنىڭ ءبىرى بولىپ كەلەدى. ولار بىزدەگى يندۋستريالاندىرۋ پروتسەسىنە بەلسەندى قاتىناسۋدا. وسىنىڭ ءبارى ءوزارا سەنىمگە نەگىزدەلگەن ەكى جاقتى قاتىناستاردىڭ دۇرىس باعىتتا دامىپ كەلە جاتقانىن بىلدىرەدى»، - دەدى ن. نازاربايەۆ ءوزىنىڭ بەينەۇندەۋىندە.
ايتا كەتەيىك، اتالعان شارا «ءبىر جول - ءبىر بەلدەۋ» باستاماسىنىڭ بەس جىلدىعىنا ارنالىپ وتىر. ونى قىتاي باسشىسى شي جينپيڭ قازاقستانعا جاساعان ساپارى كەزىندە جاريالاعان بولاتىن.
