ساپاربايەۆ جاستاردى مەيىرىمدى بولۋعا شاقىردى
اقتوبە وبلىسىنىڭ اكىمى بەردىبەك ساپاربايەۆ جاستارمەن كەزدەسىپ، ولاردىڭ اتقارىپ جۇرگەن جۇمىستارىمەن تانىستى. اقتوبەلىك جاستار ءتۇرلى جوبالارعا قاتىسىپ، گرانت ۇتىپ العان. ولاردىڭ ءبىرى قازىر مۇمكىندىگى شەكتەۋلى ازاماتتارعا كومەكتەسسە، ەكىنشىسى الەۋمەتتىك جاعدايى تومەن وتباسى بالالارىنا تەگىن اعىلشىن ءتىلىن ۇيرەتىپ جاتىر. جاستارمەن جۇزدەسكەن ءوڭىر باسشىسى ولاردى تىنباي ەڭبەك ەتىپ، جاماندىقتان قاشىق جۇرۋگە شاقىردى.
«ەڭبەك ەتكەن ادام جەردە قالمايدى. ادام ۋاقىتتى ءتيىمدى پايدالانۋى كەرەك. ومىرگە كەلگەندە ادام جان-جاقتى دامۋى ءتيىس. ەگەر 6 ساعات وقىپ، كەشكە دەيىن جاتاقحانادا بولىپ، قاراڭعى تۇسكەندە تۇنگى كلۋبتى ىزدەسە ول ادام وڭبايدى. ەرتەڭ ءبارى كەش ەكەنىن بۇگىن تۇسىنگەن ءجون. قازىر ارانداتۋشىلار، ىرتكى سالۋشىلار كوپ. اقشا بەرىپ، جىمىسقى ارەكەتتەرىن ىسكە اسىرعىسى كەلەدى. سول ادامدارعا ەرىپ، كوشەگە شىعاتىن بولساڭىزدار، زاڭ اياسىندا جاۋاپ بەرەسىزدەر. ماسەلەن، كەشە عانا «التىن بەلگىمەن» بىتىرگەن تۇلەك قىلمىس جاسادى. ەگەر 10-20 جىل تۇرمەگە وتىرسا، ول قانداي ازامات بولىپ شىعادى»، - دەدى ءوڭىر باسشىسى بەردىبەك ساپاربايەۆ.
كەزدەسۋ كەزىندە مەيىرىمدىلىك تانىتىپ، ادامدارعا ءجيى كومەكتەسۋدى، قولدان كەلسە قايىرىمدى ىستەر جاساۋعا دايىن تۇرۋدى باسا ايتتى.
«كەيبىر كەزدە مۇمكىندىگى شەكتەۋلى جان اۆتوبۋسقا مىنە الماي، تەاترعا، دۇكەنگە كىرە الماي تۇرادى. قىز-جىگىتتەر كورسە دە كورمەگەندەي ءوتىپ كەتەدى. ەستەرىڭىزدە بولسا، مەيىرىمدى ادام عانا ۇلكەن ادام بولادى. اقتوبەدە بۇل باعىتتا كوپ ءىس اتقارىلىپ جاتىر. العا اۋدانىندا ارنايى لاگەر اشىلىپ، مۇگەدەك بالالاردىڭ تىنىعۋىنا جاعداي جاسالدى. مۇمكىندىگى شەكتەۋلى بالالار دا باقشاعا بارۋى ءتيىس. ال قىركۇيەكتە «ورىس مىس كومپانياسى» ج ش س- ءنىڭ دەمەۋشىلىگىمەن اۋتيزم دەرتىنە شالدىققان، مۇگەدەك بالالارعا ارنالعان وڭالتۋ ورتالىعىن اشامىز. بىزدە بۇل ساناتتا 3 مىڭ بالا بار»، - دەدى وبلىس اكىمى بەردىبەك ساپاربايەۆ.
سونىمەن قاتار، ادام ءۇشىن ەڭ جامانى الداپ-ارباۋ، كوزبوياۋشىلىق پەن قاعاز جۇزىندە عانا ءىستى تىڭدىرۋ ەكەنىن ايتىپ، جاستاردى ءۇش نارسەدەن قاشىق جۇرۋگە شاقىردى.
