احمەت بايتۇرسىن ۇلىنىڭ ناقىل سوزدەرى
* ءسوز جازاتىن ادام ءارى جازۋشى، ءارى سىنشى بولۋى كەرەك.
* تاقپاقتان گورى ماقال ماڭىزدى، شىمىر كەلەدى.
* شەجىرە، زامانحات، ءومىربايان، مىنەزدەمە - ءبارى دە تاريحتىڭ جەمى ەسەبىندەگى نارسەلەر.
* كورىكتە پۇل جوق.
* كوسەم ءسوز - الەۋمەت ىسىنە باسشىلىق پىكىر جۇرگىزەتىن ءسوز.
* دۇنيەدەگى نارسەلەردىڭ ءبارى قىسىلادى، مۇزدايدى، قاتادى - ءتۇسى قاشىپ، ولىك سياقتى جاتادى. كۇن جازىلا باستاعاندا - جاز بولادى: ءبارى جادىرايدى - جازىلادى، كوگەرەدى، كوركەيەدى.
* حالىقتاردىڭ باسىنان وتكىزگەن انايىلىق شاعى - ءبىزدىڭ بالالىق شاعىمىز مىسالدى.
* سايلاۋ دەگەن - وزىڭە بەرگەن ىقتيار.
* ءسوزدىڭ اسىل بولۋى - ۇناۋىنان.
* اقىن سوزىنە جۇرت رۋحىنىڭ ساۋلەسى تۇسپەي تۇرمايدى.
* جاقسى شىقسا - جامان قالار.
* تەڭەۋ: اي مەن كۇندەي - امبەگە بىردەي.
* ءبىلىمنىڭ باس قۇرالى - كىتاپ.
* ءبىر نارسەنى ىستەگەندە سول ءىستى ىستەي بىلەتىن ادام ىستەسە - شاپشاڭ دا جاقسى ىستەر ەدى.
* كۇنەلتۋ ءۇشىن - اس كەرەك، اس ىستەۋگە - كۇش كەرەك، كۇشتى جۇمساۋعا ەس كەرەك.
* ءتان ساۋلىعى - تازالىقتان، جان ساۋلىعىنىڭ تامىرى - ءتان ساۋلىعىندا.
* ۇلت جۇمىسى - ۇلكەن جۇمىس: ۇلكەن جۇمىسقا كوپ جۇمىسكەر كەرەك.
* عىلىم مەن ونەر كوبەيگەن سايىن - بەينەت كەميدى.
* ەل باعاتىندار - ەل باعۋلارىن جاقسى بىلۋلەرى كەرەك.
* ۇلت نامىسى دەگەندى قازاقتىڭ كوبى - ەكى اۋىلدىڭ، ەكى توپتىڭ يا ەكى رۋدىڭ نامىسى دەپ ۇعادى: باسقادان كەمشىلىك كورسە - نامىستانبايدى، كەكتەمەيدى؛ ءبىر- بىرىنەن كەمشىلىك كورسە - كەگىن جىبەرمەيدى.
* وقۋسىز حالىق قانشا باي بولسا دا - ءبىراز جىلداردان كەيىن ونىڭ بايلىعى ونەرلى حالىقتاردىڭ قولىنا كوشەدى.
* نەشە ءتۇرلى عىلىم، ونەر - ءبارى دە تىرشىلىكتىڭ اۋىرلىعىن ازايتۋ ءۇشىن، راحاتىن مولايتۋ ءۇشىن شىعارعان نارسەلەر.
* قازاق - جوقشى، جوعىن ىزدەگەن قۋعىنشى.
* تەڭەۋ: ەرەۋىل ءسوز.
* دۇرىستىق- بۇرىستىقتى بىلمەگەن جۇرت ازادى.
* جاقسى نارسەنىڭ جولعا شىعۋى - جامان نارسەدەن قيىنىراق.
* اركىم ءوز بىلگەنىن، ءوزىنىڭ قولىنان كەلەتىنىن ىستەۋ كەرەك.
* باسقادان كەم بولماس ءۇشىن - ءبىلىمدى ءھام كۇشتى بولۋ كەرەك.
* ءبارىن ايت تا، ءبىرىن ايت - ءسوزدىڭ تۇرار جەرىن ايت!
* حالىقتىڭ ءىسى - بۇراپ قالسا باسقا جونگە كەلەتىن ماشينانىڭ تەتىگى ەمەس.
* جۇرت جۇمىسى - قۇمىرسقانىڭ يلەۋىندەگى جۇمىسقا ۇقسايدى: قۇمىرسقاشا جابىلا تىنباي ىستەسە ونەدى.
* كوسەمدەر كوبەيسە - ەرۋشىلەر دە كوبەيەر ەدى.
* ۇلتىن كەرەك قىلىپ، حالىققا قىزمەت قىلامىن دەگەن قازاق بالالارى قازاق جۇمىسىنا قولىنان كەلگەنشە قاراپ تۇرماي كىرىسىپ ىستەي بەرسە - ۇلت جۇمىسى ۇلعايىپ، تولىقپاقشى.
* قازاق كەرەگىنىڭ كوبى اركىمگە- اق ءمالىم عوي: ءبىز كەيىن قالعان حالىق - العا باسىپ، جۇرت قاتارىنا كىرۋ كەرەك!
* جۇرت جۇمىسىن ىستەۋ - ءبىزدىڭ قازاق بالالارىنىڭ ادەتىندە جوق: ويىنىمىز - كوپ، ارەكەتىمىز - از.
* ءبىلىمدى بولۋعا - وقۋ، باي بولۋعا - كاسىپ، كۇشتى بولۋعا - بىرلىك كەرەك.
* نيەتى جامان اللاعا وكپەلەمەس بولار.
* ەڭبەكسىز - ەگىن شىقپايدى، تتەرلەمەسەڭ - تەرىڭ شىقپايدى.
* تەلمىرىپ تاپقان تەڭگەدەن - تەر توگىپ تاپقان تيىن جۇعىمدى.
* قاتەرلى جەردە قاپەرسىز وتىرما.
* قازاق جەرىنىڭ تۇتقاسىنىڭ ەكى ۇشى ەكى قولدا: ءبىر ۇشى - قازاقتا، ەكىنشىسى - ورىستا.
* قازاق جەرى قازاقتان كەتپەس ەدى - قازاق جەرى قازاقتان كەتپەسىنە ءىس قىلساق.
* ءادىس قىلۋ - جولسىزدىق ەمەس، ەپتىلىك.
* عىلىم مەن ونەر ەلسىزدى - ەلدىگە، جوقتى - بارعا تەڭگەرەدى.
* قازاق جەرىندەگى شارۋالىق - مال باعۋ مەن ەگىن ەگۋ.
* سايلاۋ راس بالە بولسا - ءبىلىمدى، ونەرلى حالىقتار ءوز ءىسىنىڭ بارىنە باسىنان باستاپ، اياعىنا دەيىن نەگە سايلاۋ كىرگىزدى؟ !
* قازاقتا ءبىلىمدى ادام جوق ەمەس، كوپ - ءبىراق سولاردىڭ كوبى، قۇتى، ءبارى ءوز ءبىلىمىن حالالعا ەمەس، حارامعا جۇمساپ عادەتتەنگەن.
* ءبىلىمى كوپ ادام - قۇرالى ساي ۇستا سەكىلدى: نە ىستەسە دە كەلىستىرىپ ىستەيدى.
* جەردى جالداۋدان تارتىنباعاندار - ساتۋدان دا تارتىنبايدى.
* قازاقتىڭ ءالى كۇنگە جەردەن قول ۇزبەي وتىرعانى - جەر قازىنالىق بولعاندىقتان: ايتپەسە، بۇگىن تويعانىنا ءماز بولىپ، ەرتەڭگىسىن ۇمىتقان قازاق بۇگىن - جەرىن ساتىپ تويىپ، ەرتەڭ - تەنتىرەپ كەتەر ەدى.
* ولجالى جەردە - ۇلەستەن قالعانىمىز، جورالى جەردە - جولدان قاعىلعانىمىز: ءبارى - ناداندىق كەساپاتى.
* قازاقتىڭ باس ادامدارى! اۋەلى سىزدەر اداسپاڭىزدار: اداسپاس ءۇشىن اقىلداسىپ، ويلانىپ، ىنتىماقپەن ءىس ەتىڭدەر!
* الاشقا اتى شىققان ادامدار! كوسەمدىكتەرىڭدى اداسپاي ءتۇزۋ ىستەڭدەر! سەندەر اداسساڭدار - ارتتارىڭنان الاش اداسادى: ارتتارىڭنان ەرگەندەردىڭ وبال- ساۋابىنا سىزدەر قالاسىزدار.
Massaget.kz
