نۇرلان نىعماتۋلين ءماجىلىستىڭ باستى مىندەتتەرىن اتادى
«بۇگىن ءبىز التىنشى سايلانعان پارلامەنت ءماجىلىسىنىڭ ءتورتىنشى سەسسياسىنىڭ جۇمىسىن باستاپ وتىرمىز. ەلباسى ءبىرىنشى قىركۇيەكتە وسى سەسسيانى اشىپ، ەلىمىزدىڭ دامۋ جوسپارىنا سايكەس، ناقتى تاپسىرمالار بەردى. ءبىزدىڭ باستى ماقساتىمىز - پرەزيدەنتتىڭ جۇكتەگەن مىندەتتەرىن ءوز ۋاقىتىندا ساپالى زاڭدارمەن قامتاماسىز ەتۋ. ونىڭ ىشىندە مەملەكەت باسشىسىنىڭ جاڭا تاپسىرمالارىنا وراي، الەۋمەتتىك جاعدايدى ودان ءارى كۇشەيتۋگە، ەكونوميكانى دامىتۋعا جانە ۇلتتىق رۋحاني بايلىقتى ساقتاۋعا ەرەكشە كوڭىل بولەتىن بولامىز»، - دەدى ن. نىعماتۋلين جالپى وتىرىسى كەزىندە.
ونىڭ سوزىنە قاراعاندا، قازىردىڭ وزىندە پارلامەنت قاراۋىندا 50 دەن استام زاڭ جوباسى بار.
ولاردىڭ اراسىندا « مەملەكەتتىك ساتىپ الۋلار جانە كۆازيمەملەكەتتىك سەكتوردىڭ ساتىپ الۋلارى ماسەلەلەرى تۋرالى»، « تابيعي مونوپوليالار تۋرالى» ماڭىزدى زاڭ جوبالارىمەن قاتار، دەنساۋلىق ساقتاۋ، كولىك، مەملەكەتتىك ساتىپ الۋلار، ا و ك- ءتى رەتتەۋ، سونداي-اق مەنشىك قۇقىعىن قورعاۋدى كۇشەيتۋ تۋرالى زاڭنامالىق تۇزەتۋلەر، ارنايى ەكونوميكالىق جانە يندۋستريالدى ايماقتار، كينەماتوگرافياعا قاتىستى قۇجاتتار قامتىلعان.
ەستەرىڭىزگە سالا كەتەيىك، 1- قىركۇيەكتە ق ر پارلامەنتى پالاتالارىنىڭ بىرلەسكەن وتىرىسىندا پرەزيدەنت تۇرعىن ءۇي-كوممۋنالدىق شارۋاشىلىق سالاسىنداعى ماسەلەلەردى شەشۋدى تاپسىردى.
سونىمەن قاتار، ەلباسى قوعام دەنساۋلىعىن نىعايتۋعا قاتىستى زاڭ جوباسىنىڭ ماڭىزى تۋرالى ايتتى.
