ازەربايجان جىلاننىڭ ۋىن ەكسپورتتاماق
ينستيتۋت ديرەكتورىنىڭ سوزىنە قاراعاندا، قازىرگى كەزدە تۇركيانىڭ Marmara Trade كومپانياسىمەن جىلاننىڭ ۋىن ەكسپورتتاۋ جونىندە كەلىسسوزدەر جۇرگىزىلىپ جاتىر.
«ولار كەڭەستىك كەزەڭنەن قالعان جىلان ۋىنىڭ ءبىر بولىگىن ساتىپ الۋ ءۇشىن جۇگىندى. ولار حالىقارالىق زەرتحانادا سول ۋعا تالداۋ جاسايدى. ۋدىڭ جارامدىلىق دەڭگەيى تۋرالى ناقتى مالىمەتتەر الىنعان سوڭ، كەلىسسوزدەردىڭ كەلەسى كەزەڭى باستالادى»، - دەيدى يۋسيفوۆ.
ونىڭ ايتۋىنشا، ازەربايجانعا كەڭەستىك كەزەڭنەن شامامەن 20 كەلى جىلان ۋى مۇرا رەتىندە قالعان. Marmara Trade كومپانياسى سول ۋدىڭ 8-10 كەلىسىن ساتىپ الۋعا نيەت تانىتىپ وتىر.
ينستيتۋت ديرەكتورىنىڭ سوزىنە قاراعاندا، حالىقارالىق نارىقتا جىلان ۋىنىڭ ءبىر گرامى 100-500 ا ق ش دوللارى شاماسىندا باعالانادى. ەگەر كەلىسسوزدەر ناتيجەسىندە ۋدىڭ ەكسپورتى جۇزەگە اساتىنداي بولسا، ازەربايجان ۇ ع ا زوولوگيا ينستيتۋتىنىڭ بيولوگيا جانە مەديتسينا عىلىمدارى ءبولىمى مەن عىلىم اكادەمياسى پرەزيديۋمىندا جىلان ۋىن ءوندىرۋدى قالپىنا كەلتىرۋ ماسەلەسى كوتەرىلەدى.
ايتا كەتەيىك، وڭتۇستىك كاۆكاز اۋماعىندا قاراسۇر جىلان ەڭ كوپ مەكەندەيتىن ايماق ازەربايجان بولىپ تابىلادى. ارمەنيا مەن گرۋزيادا ولار سيرەك كەزدەسەدى.
