يزرايل يراك پەن سيرياداعى يران اسكەري نىساندارىنا شابۋىل جاساۋى مۇمكىن

استانا. قازاقپارات - يزرايل قورعانىس ءمينيسترى اۆيگدور ليبەرمان ءوز ەلى سيرياداعى عانا ەمەس، يراكتاعى يران اسكەري نىساندارىنا دا سوققى بەرۋگە دايىن ەكەنىن مالىمدەدى.

Reuters اگەنتتىگىنىڭ حابارلاۋىنشا، يەرۋساليمدە وتكەن باسپا ءسوز كونفەرەنسياسىندا ليبەرمان تەگەراننىڭ «يزرايل اۋماعىنا قاۋىپ توندىرەتىن يراك شييتتەرىنە بالليستيكالىق زىمىراندار بەرگەنىن» حابارلادى.

بىرەر كۇن بۇرىن داماسك ماڭىندا بىرنەشە جارىلىس بولعان. كەيبىر ب ا ق- تىڭ حابارلاۋىنشا، جارىلىس يزرايل اۆياتسياسىنىڭ كەزەكتى شابۋىلى سالدارىنان شىققان.

2 - قىركۇيەكتە يزرايل پرەمەر- ءمينيسترى بينيامين نەتانياحۋ ا ق ش مەملەكەتتىك حاتشىسىنىڭ ارنايى وكىلى دجەيمس دجەففريمەن كەزدەسكەن. تاراپتار كەزدەسۋدە يرانعا جانە سيرياداعى جاعدايعا قارسى ءىس- قيمىلدى تالقىلاعان. كەيبىر اقپاراتتار بويىنشا، سيريا ۇكىمەت اسكەرى تاياۋدا يدليب پروۆينتسياسىنا شابۋىل جاساۋعا دايىندالىپ جاتىر.

قىركۇيەكتىڭ 2- كۇنى سونىمەن قاتار ا ق ش پرەزيدەنتى دونالد ترامپتىڭ وكىلدەرى دجەيسون گرينبلاتت پەن دجارەد كۋشنەر پالەستينا اۆتونومياسىنىڭ باسشىسى ماحمۋد ابباسقا يوردانيامەن كونفەدەراتسيا قۇرۋدى ۇسىنعان. ابباس ەگەر جاڭا ۇيىم قۇرامىنا يزرايل قوسىلعان جاعدايدا عانا ونى قولدايتىنىن مالىمدەگەن. بۇل تۋرالى يزرايلدىڭ Haaretz گازەتى حابارلاعان.

يزرايل اۆياتسياسى سوڭعى جىلدارى سيريا اۋماعىنداعى يران اسكەري نىساندارىن ۇنەمى بومبالاپ كەلەدى. يزرايل بيلىگى شابۋىلدى تەررورشىلارعا قارۋ- جاراق تاسىمالداۋدى بولدىرماۋ جانە يراننىڭ سيريادا بەكىنۋىنە جول بەرمەۋ ءۇشىن جاسايتىنىن ايتادى. نەتانياحۋ وتكەن اپتادا تەل- اۆيۆ يران مەن سيريا قورعانىس تۋرالى ءوزارا كەلىسىم جاساسقانىنا قاراماستان تەگەرانعا قارسى ءىس- قيمىلىن جالعاستىرا بەرەتىنىن مالىمدەگەن.

www.azattyq.org