15:54, 04 - قىركۇيەك 2018 | GMT +5
نۇرسۇلتان نازاربايەۆ ءۇشىنشى بۋىن سانالاتىن ەلەكترلى اۆتوبۋستار جاساۋ ءوندىرىسىمەن تانىستى
الماتى. قازاقپارات - نۇرسۇلتان نازاربايەۆ «Falcon Eurobus» جاۋاپكەرشىلىگى شەكتەۋلى سەرىكتەستىگىنە باردى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى زاۋىت جۇمىسى جونىندەگى باياندامانى تىڭداپ، ءۇشىنشى بۋىن سانالاتىن ەلەكترلى اۆتوبۋستار جاساۋ ءوندىرىسىنىڭ تەحنولوگيالىق ۇدەرىسىمەن تانىستى.
بۇل جوبانى ىسكە اسىرۋعا 15 ميلليارد تەڭگە كولەمىندە جەكە ينۆەستيتسيا تارتىلدى. وعان مەملەكەتتىك قولداۋ ارقىلى الماتى قالاسىنىڭ اكىمدىگى تاراپىنان جەر تەلىمى بولىنگەن جانە 2 ميلليارد تەڭگەگە سۋمەن قامتۋ جانە ەلەكتر جەلىلەرى تارتىلعان.
ونىمدىلىك قۋاتى جىلىنا 100 ەلەكترلى اۆتوبۋس شىعاراتىن زاۋىت 1 مىڭنان استام ادامدى جۇمىسپەن قامتيدى.
