توڭازىتقىشتاعى جاعىمسىز يىستەن قالاي قۇتىلۋعا بولادى: كەڭەستەر مەن ۇسىنىستار

استانا. قازاقپارات - توڭازىتقىشتاعى جاعىمسىز ءيىس - بۇل ءاربىر ءۇي شارۋاسىنداعى ايەلدىڭ بەتپە-بەت كەلەتىن پروبلەماسى.

ونىڭ پايدا بولۋ سەبەپتەرى قانداي جانە ودان قالاي قۇتىلۋعا بولاتىنىن وسى ماقالامىزدان وقىپ بىلىڭىزدەر. توڭازىتقىشتاعى جاعىمسىز ءيىستىڭ پايدا بولۋىنا نە سەبەپ بولۋى مۇمكىن؟

بۇلىنگەن ازىق-تۇلىك. توڭازىتقىشتا جاعىمسىز ءيىستىڭ پايدا بولۋىنىڭ ەڭ كوپ تارالعان سەبەبى - بۇل ارينە باياعىدا- اق بۇزىلىپ، ونى ءسىز لاقتىرۋدى ۇمىتىپ كەتكەن ازىق- تۇلىكتەر.

ەلەكتردەگى پروبلەمالار. ەلەكتر ەنەرگياسىندا ىركىلىس بولعان كەزدە توڭازىتقىش مۇزى ەريدى. سوعان سايكەس قاتىرۋ كامەراسىندا جاتقان ازىق- تۇلىك وتە بىلجىراپ ەري باستايدى. سونىڭ سالدارىنان جاعىمسىز ءيىس پايدا بولۋى مۇمكىن.

جاڭا توڭازىتقىش. ەگەر ءسىز جاڭا توڭازىتقىش ساتىپ الىپ، ورناتقان بولساڭىز، وندا العاشقى ۋاقىتتا پلاستيك پەن رەزەڭكەنىڭ بارىنشا جاعىمسىز ءيىسى مازاڭىزدى الۋى مۇمكىن.

بىرنەشە ازىق-تۇلىك ءيىسىنىڭ ارالاسۋى. توڭازىتقىشتا جاعىمسىز ءيىستىڭ پايدا بولۋىنىڭ تاعى ءبىر سەبەبى بىرنەشە كۇشتى ءيىستىڭ ارالاسۋى بولىپ سانالادى. مۇنداي جايت ەگەر ازىق-تۇلىكتى اشىق كۇيدە ساقتايتىن بولساڭىز پايدا بولادى.

توگۋ تەسىگىنىڭ بىتەلۋى. سۋ اعاتىن تەسىك بىتەلىپ قالعان جاعدايدا سۋ تۇرىپ قالادى. ال مۇنداي كەزدە جاعىمسىز يىستەن قاشىپ قۇتىلا المايسىز.

ۇزاق ۋاقىت توقتان اجىراتىلعان توڭازىتقىش. ەگەر ءسىز ءتۇرلى سەبەپتەرمەن توڭازىتقىشتى ايتارلىقتاي ۇزاق ۋاقىت پايدالانباساڭىز وندا كوگەرگەن جەرلەر مەن جاعىمسىز ءيىس پايدا بولۋى مۇمكىن.

توڭازىتقىشتاعى جاعىمسىز يىستەن قالاي قۇتىلۋعا بولادى.

ەڭ الدىمەن جاعىمسىز ءيىستىڭ شىعۋ سەبەبىن انىقتاپ الۋ قاجەت. كەيدە مۇنداي سەبەپتەردىڭ بىرنەشە بولۋى دا ىقتيمال. سوندىقتان دا بۇلىنگەن ازىق-تۇلىكتى لاقتىرىپ تاستاعاننان كەيىن دە جاعىمسىز ءيىس قالىپ جاتسا تاڭ قالماڭىز.

1. توڭازىتقىشتا تۇرعان ازىق-تۇلىكتى تەكسەرىڭىز. توڭازىتقىشتاعى بارلىق ازىق-تۇلىكتى شىعارىپ، ولاردى تىڭعىلىقتى قاراپ شىعىڭىز. بۇلىنگەن ءونىمنىڭ بارلىعىن تاستاڭىز.

 2. توڭازىتقىشتى ەرىتىپ، ونى جاقسىلاپ جۋىپ الىڭىز. توڭازىتقىشتى ەرىتكەننەن كەيىن ونى بارىنشا جاقسىلاپ جۋىپ الۋىڭىز قاجەت. بۇل ءۇشىن ءسىز دۇكەننەن ساتىپ الىنعان ارنايى سۇيىقتىقتاردى پايدالانا الاسىز. سونىمەن قاتار اس سوداسىنان نەمەسە سىركە قىشقىلىنان (1 ليتر سۋعا 1 اس قاسىق سودا/سىركە قىشقىلى) ەرىتىنشى جاساۋعا دا بولادى.

3. توڭازىتقىشتى جۋعاننان كەيىن ىلعالدان قۇتىلۋ ءۇشىن ونى قۇرعاق شۇبەرەكپەن ءسۇرتىپ الۋدى ەستەن شىعارماڭىز. توڭازىتقىشتى جۋعاننان كەيىن بىردەن ەسىگىن جاۋىپ قويماڭىز. جەلدەتۋ ءۇشىن ەكى ساعاتقا ەسىگىن اشىق قالدىرىڭىز.

4. ازىق- تۇلىكتى دۇرىس ساقتاڭىز. ازىق-تۇلىكتەردى جەكە، اۋىزى تىعىز جابىلاتىن ىدىستا ساقتاڭىز. سونىڭ ارقاسىندا ازىق-تۇلىك تە، توڭازىتقىش تا وزگە يىستەردى سىڭىرمەيتىن بولادى.

5. توڭازىتقىشقا جاعىمسىز يىستەردى جوياتىن ازىق-تۇلىك سالىڭىز. ءيىستى جويۋ ءۇشىن توڭازىتقىشقا نە قويۋعا بولادى:

ليمون ءتىلىمى؛

قارا نان ءتىلىمى؛

تۇز؛

اپەلسين قابىعى؛

كوفە تۇيىرشىگى؛

ۇگىتىلگەن بەلسەندىرىلگەن كومىر.

 

دەرەككوزى: lady.tochka.net