باقىتجان ساعىنتايەۆ سولتۇستىك قازاقستان وبلىسىنداعى ءبىلىم بەرۋ ساپاسىنا قاتىستى ماسەلەنى قوزعادى
ساپاردىڭ ماقساتى - پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك»، «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋلارى مەن «بەس الەۋمەتتىك باستاماسىنىڭ»، سونداي- اق مەملەكەتتىك جانە سالالىق باعدارلامالاردىڭ وڭىردە جۇزەگە اسىرىلۋ بارىسىمەن تانىسۋ.
ساپار اياسىندا سولتۇستىك- قازاقستان وبلىسىنىڭ 2018-2021 -جىلدارعا ارنالعان كەشەندى الەۋمەتتىك- ەكونوميكالىق دامۋ جوسپارىن جۇزەگە اسىرۋ بارىسى تۋرالى كەڭەس وتكىزىپ، ءبىرقاتار الەۋمەتتىك جانە ونەركاسىپتىك ينفراقۇرىلىم نىساندارىن ارالاۋ جوسپارلانعان. بۇدان وزگە، پرەمەر- مينيستر قازاقستان مەن رەسەيدىڭ XV ايماقارالىق ىنتىماقتاستىق فورۋمىن وتكىزۋگە دايىندىق بارىسىمەن تانىسادى.
ساپار بارىسىندا باقىتجان ساعىنتايەۆ وڭىردە ءبىلىم بەرۋ ساپاسىن ارتتىرۋ بويىنشا قابىلدانىپ جاتقان شارالارعا نازار اۋداردى. «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» قازاقستان حالقىنا جولداۋىندا مەملەكەت باسشىسى ءبىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ بولۋعا ءتيىس ەكەنىن اتاپ ءوتتى. ەلىمىزدىڭ بارلىق وڭىرلەرىندە وقۋشىلار سارايلارىنىڭ بازاسىندا كومپيۋتەرلەردى، زەرتحانالاردى، D3- پرينتەرلەردى قوسا العاندا، بارلىق قاجەتتى ينفراقۇرىلىممەن بيزنەس- ينكۋباتورلار مەن بالالار تەحنوپاركتەرىنىڭ جەلىسىن قۇرۋ تاپسىرىلعان. بۇل جاس بۋىندى عىلىمي- زەرتتەۋشىلىك جانە ونەركاسىپتىك- تەحنولوگيالىق ورتاعا ءساتتى ىقپالداستىرۋعا جول اشادى.
پرەمەر- مينيستر پەتروپاۆل قالاسىندا جاڭادان سالىنىپ جاتقان وقۋشىلار سارايىنا باردى. نىسان الدىڭعى قاتارلى زاماناۋي تەحنولوگيالارمەن جاراقتاندىرىلادى. سولتۇستىك قازاقستان وبلىسى اكىمىنىڭ ورىنباسارى ا. فەديايەۆتىڭ ايتۋىنشا، نىساندا АT- يندۋسترياسىنىڭ پەرسپەكتيۆالى باعىتتارى مەن STEM- ءبىلىم بەرۋ جۇيەسىمەن جوعار تەحنولوگيالى كابينەتتەر بازاسى مەن زەرتحانا كەشەندەرىن قۇرۋ كوزدەلگەن.
وقۋشىلار سارايىندا باعدارلامالاۋ جانە گرافيكالىق ديزاين زەرتحانالارى، ۆيرتۋالدى جانە تولىقتىرىلعان شىنايىلىق، TecQuipment ( ۇلى بريتانيا) ينجەنەرلىك عىلىمدارى، روبوتتى تەحنيكا قۇرىلىمداۋ ( ا ق ش)، انيماتسيالىق ستۋديا، گولوگرافيا، كاركاستى- ۆاكۋۋمدى كينوتەاتر، Lexsolar (گەرمانيا) ەلەكتروموبيلدەرى، Thespian ( ۇلى بريتانيا) گۋمانويدتى روبوتى مەن ادامنان اۋمايتىن NAO (فرانسيا) روبوتتارى جانە باسقا دا تەحنولوگيالار بولادى.
م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە باقىتجان ساعىنتايەۆ ستۋدەنتتەر جاتاقحاناسىنىڭ ءبىر كورپۋسىن ارالادى، وندا پرەزيدەنتتىڭ بەس الەۋمەتتىك باستاماسىنىڭ ورىندالۋىمەن تانىستى. جاتاقحانا بولمەلەرىن ارالاۋ كەزىندە ۋنيۆەرسيتەت رەكتورى س. ومىربايەۆ بۇگىنگى تاڭدا ج و و- دا 5531 ستۋدەنت ءبىلىم الىپ جاتقانىن، ولارعا ارنالعان 4 جاتاقحانانىڭ بار ەكەنىن مالىمدەدى. سونىمەن قاتار، جىل سايىنعى قابىلداۋ كولەمىنىڭ ارتۋى مەن ۋنيۆەرسيتەتتە ءبىلىم الۋشىلاردىڭ سانىن ەسكەرگەندە، 2018/19 وقۋ جىلىندا جاتاقحاناعا دەگەن قاجەتتىلىك 3150-دەن استام ورىندى قۇرايدى. س ق و اكىمدىگىنىڭ دەرەكتەرىنە سايكەس، 2018 -جىلى وڭىردە ءبىلىم بەرۋ جۇيەسىن قارجىلاندىرۋعا 55,3 ميلليارد ت گ قاراستىرىلعان. 31,2 ميلليارد ت گ 01.08.2018 ج. جوسپار كەزىندە يگەرۋ 100 پايىز قۇرادى.
ايتا كەتۋ كەرەك، جوعارى ءبىلىم بەرۋدىڭ قولجەتىمدىلىگى مەن ساپاسىن ارتتىرۋ اياسىندا جەرگىلىكتى بيۋدجەتتەن جەرگىلىكتى ج و و- عا وقۋعا تۇسۋگە نيەت بىلدىرۋشىلەرگە 75 گرانت ءبولىندى.
بۇعان قوسا، پرەمەر- مينيستر باقىتجان ساعىنتايەۆ ۋنيۆەرسالدى تەننيس ورتالىعىنا باردى. جاڭا الەۋمەتتىك نىسان 4 جابىق جانە 3 اشىق تەننيس الاڭىنان تۇرادى. سونىمەن قاتار، ەكى جابىق الاڭ باسكەتبول مەن ۆولەيبولعا ارنالعان امبەباپ سپورت الاڭىنا تۇرلەنەدى. كورەرمەندەر تريبۋناسى 1000-نان استام ادامعا ارنالعان. قابىلدانىپ جاتقان شارالار ءوڭىر حالقى اراسىندا سپورت پەن سالاۋاتتى ءومىر سالتىن ناسيحاتتاۋعا جول اشادى.
ەستەرىڭىزگە سالا كەتەيىك، پرەمەر- مينيستر مەملەكەت باسشىسىنىڭ تاپسىرماسىمەن ەلىمىزدىڭ وڭىرلەرىن جۇمىس ساپارىمەن ارالاپ ءجۇر. بۇعان دەيىن باقىتجان ساعىنتايەۆ جۇمىس ساپارىمەن اتىراۋ، قاراعاندى، قوستاناي، قىزىلوردا، ماڭعىستاۋ، وڭتۇستىك قازاقستان، اقمولا، باتىس قازاقستان جانە تۇركىستان، اقتوبە وبلىستارىندا بولىپ قايتتى.
