قاجىلىق پارىزىن وتەگەن قازاقستاندىقتار ەلگە ورالدى
«قازاقستاندىق 3000 قاجى ەلگە ءدىن امان ورالدى. 1- قىركۇيەكتە قاجىلاردىڭ سوڭعى لەگى شىمكەنت اۋەجايىنا كەلىپ قوندى. دەنساۋلىقتارى ءبىرقالىپتى»، - دەپ اتاپ ءوتتى قازاقستان مۇسىلماندارى ءدىني باسقارماسى قاجىلىق ءبولىمىنىڭ مەڭگەرۋشىسى ايدار سالقىنبايەۆ.
ايتا كەتەيىك، بيىل ەلىمىزدەن 3000 ادام قاجىلىققا بارىپ قايتتى. جەرلەستەرىمىزگە 18 قاجىلىق فيرماسى قىزمەت كورسەتتى. قازاقستان قاجىلىق ميسسياسى جانىنان قۇرىلعان ۋاعىز-ناسيحات، ءپاتۋا، اقپارات، دارىگەرلەر توبى وزىنە جۇكتەلگەن مىندەتتى تولىق اتقاردى.
ەلىمىزدەن بارعان 18 جوعارى بىلىكتى دارىگەر قاجىلارعا العاشقى مەديتسينالىق كومەك كورسەتتى. مەككە مەن ءمادينا قالالارىندا مەديتسينالىق قىزمەت كورسەتۋ ورتالىقتارى تاۋلىك بويى جۇمىس ىستەدى. سونداي-اق، قازاقستان قاجىلارى وتاندىق ءدارى-دارمەكپەن قامتاماسىز ەتىلدى.
