قازاقستان پرەزيدەنتى لاسسينا زەربومەن كەزدەستى
مەملەكەت باسشىسى بۇگىنگى كەزدەسۋ يادرولىق سىناقتارعا قارسى حالىقارالىق ءىس- قيمىل كۇنى ءوتىپ وتىرعانىنا توقتالىپ، بۇل كۇندى بەلگىلەۋگە قازاقستاننىڭ باستاماشى بولعانىن ايتتى.
«ءبارى دە 1991 -جىلعى 29 - تامىزدا الەمدەگى ەڭ ءىرى يادرولىق سىناق الاڭىنىڭ جابىلۋىنان باستالعان بولاتىن. سودان كەيىن نيەۆادادا جانە باسقا دا پوليگونداردا سىناقتار توقتاتىلدى. ءبىز يادرولىق قارۋ- جاراقتان باس تارتتىق جانە سونىڭ ارقاسىندا انتيادرولىق قوزعالىس كوشباسشىلارىنىڭ قاتارىنا قوسىلدىق»، - دەدى نۇرسۇلتان نازاربايەۆ.
لاسسينا زەربو قازاقستان پرەزيدەنتىمەن كەزدەسۋدىڭ وسى كۇنى ءوتۋىنىڭ سيمۆولدىق ءمانىن اتاپ ءوتىپ، ءوزى جەتەكشىلىك ەتەتىن ۇيىمنىڭ جەر بەتىندەگى يادرولىق سىناقتارعا قارسى تۇرۋ جانە بەيبىتشىلىكتى ساقتاۋ جولىندا كۇش جۇمىلدىرا بەرەتىنىن مالىمدەدى.
مەملەكەت باسشىسى كەزدەسۋ سوڭىندا قازاقستاننىڭ انتيادرولىق باستامالارىنا ۇنەمى اتسالىسىپ جۇرگەنى ءۇشىن ل. زەربوعا العىس ءبىلدىردى.
