اشەكەي ايەل مىنەزى تۋرالى نە ايتادى؟
اعاشتان جاسالعان اشەكەيلەردى كوبىنە بىلىمگە قۇمار، ونەرلى، قىزىعۋشىلىعى مول قىزدار تاڭدايدى. مۇنداي ارۋدى باعىندىرعىسى كەلەتىن جىگىت وتىرىك الداعىسى كەلسە، وتە اباي بولعانى ءجون. بار قۇپيا اشىلعان كەزدە مۇنداي قىزدار ەشتەڭەگە قاراماي كەتىپ قالادى. كوپ جاعدايدا تىلسىم كۇشتەردىڭ كومەگىنە مۇقتاج بولىپ جۇرەدى.
ادەتتە ولار بارلىق دوستارى مەن تانىستارىنىڭ قيىنشىلىقتارىنان حاباردار، ويتكەنى باستارىنا ءىس تۇسكەندە ولار سونداي ارۋدىڭ يىعىنا باسىن قويىپ، جىلاعاندى ۇناتادى. ولار تىڭداپ، بىرەۋدىڭ قايعىلارىنا ورتاقتاسا الادى.
كيىزدەن جاسالعان سىرعا، مونشاق پەن بىلەزىكتەردى جايلىلىق پەن ىڭعايلىلىقتى جاقسى كورەتىن ارۋلار تاعادى. مۇنداي اشەكەي يەلەرى وتە ەموتسيونالدى بولىپ كەلەدى جانە سەزىم مەن ىشكى تۇيسىگىنە باعىنىپ شەشىم قابىلداۋعا قۇمار. جاندارى نازىك، سەزىمتال، ولار قۇشاقتاپ، ۇستاعاندى جاقسى كورەدى.
پلاستماسسالىق اشەكەيلەردى وتە ەپتى، ۇقىپتى، ۇنەمشىل جانە ومىرگە شىنايى كوزقاراسپەن قارايتىن قىزدار جاقسى كورەدى. ولاردىڭ ءوز پىكىرى بار جانە كەرەك كەزدە ءوز دەگەنىندە تۇرا الادى. بىرەۋدىڭ قىسىم جاساعانىن ۇناتپايدى. جاڭا تانىسۋلارعا ءاردايىم اشىق جانە عاشىقتىق پەن ماحابباتتى ءجيى شاتاستىرادى.
مەتالدان جاسالعان اشەكەيلەردى (وتە ۇلكەن ەمەس) ءوزىن قورعانسىز سەزىنەتىن قىزدار تاڭدايدى. ولار سىرتقى ادەمىلىگى ءۇشىن ەمەس، جان سۇلۋلىعىن باعالاپ ءسۇيۋ كەرەك دەگەن ويدا. ولاردى جاۋلاپ الۋ ءۇشىن ادەمى بۇيىمدار ەمەس (گۇل، كونفەت، قىمبات سىيلىقتار)، ناعىز شىنايى سەزىم كەرەك.
بولاتتاي بەرىك اشەكەيلەردى الدىنا ماقسات قويىپ، قالاي دا جەتۋدى عانا ويلايتىن قىزدار تاڭدايدى. ولارعا بىرەۋدىڭ پىكىرى جۇرمەيدى.
بيسەردەن جاسالعان اشەكەيلەردى جايناقى مىنەزدى، اسەرشىل، باسقا بىرەۋدىڭ ىقپالىنا وڭاي باعىنا كەتەتىن قىزدار تاعادى.
قولونەر اشەكەيلەرىن (اۆتورلىق جۇمىستار) ءوزىن ەرەكشە سانايتىن، تاۋەلسىزدىگىن كورسەتكىسى كەلەتىن ارۋلار تاعادى. مۇنداي ايەلدەر ادەتتە ستەرەوتيپتەردەن اۋلاق، كوپ ادام جينالاتىن قوعامدىق جيىنداردان قاشقاقتايدى. مىنەزدەرىندە ەگويستىك باسىم جانە وزگەلەرگە جوعارىدان قاراۋى دا مۇمكىن. وزگەلەردەن ەرەكشە، ءبىراق ءساندى كيىنۋگە قۇمار جانە ەكىنشى جارتىسىن تاڭداعاندا دا تالعامپاز كەلەدى.
ۆينتاجدى اشەكەيلەرگە («تاريحي» بۇيىمدار) بالالىق شاعىن قاتتى ساعىناتىن قىزدار قۇمارتادى. ولاردان ارداقتى انا جانە ادال جار شىعادى. رومانتيكالىق جاندار، كەيدە سەنتيمەنتالدى. سالت- داستۇرلەردى جەتە ۇستانادى، وتباسىنىڭ بەرەكەسىنە كوپ ءمان بەرەدى - دەمالىستا اپاسى سياقتى باۋىرساق پىسىرگەندى، جيىنداردا وتباسىلىق سالت بويىنشا تاعامدار ازىرلەپ، داستارحان جاساعاندى جاقسى كورەدى.
كلاسسيكالىق اشەكەيلەردى جۇمىسباستى، وزىنە قاراۋعا شاماسى جوق قاراپايىم قىزدار تاڭدايدى. سول سەبەپتى كەز كەلگەن كيىممەن جاراسىپ كەتەتىن ءبىر اشەكەيدى تاعىپ جۇرە بەرگەندى قالايدى. نەمەسە قاتىپ قالعان ەرەجە مەن جاعدايعا بايلانىستى ارەكەت ەتەتىن ارۋلار. كەيدە ءبىر قاراعاندا قاراپايىم اشەكەي سياقتى كورىنەتىن قىمبات اشەكەيدى ءوزىنىڭ الەۋمەتتىك ستاتۋسىن كورسەتۋ ءۇشىن تاعۋى مۇمكىن. مۇنداي ارۋلار ءوزىنىڭ باعاسىن بىلەدى جانە سول باعاسى جايلى جار سالۋدى قۇپ كورمەيدى.
اشەكەي جوق بولسا...
اشەكەي ايەل ادامنىڭ وزىنە دەگەن نازارى مەن ءوزىن-ءوزى باعالاۋىنىڭ ايعاعى: ءوزىن جاقسى كورەتىن ايەل ءومىردى دە، باسقانى دا جاقسى كورە الادى. اشەكەيسىز ءجۇرۋ - بىردەڭەسى «دۇرىس ەمەس» دەگەن سيگنال. ول ومىرىندە ءبىر داعدارىس ءساتىن باستان كەشىپ ءجۇر نەمەسە ەركەكتەردەن كوڭىلى قالعان.
دەرەككوزى: "پ ت" توپتاماسىنان
