ەلباسى «قازمۇنايگاز» ۇ ك» ا ق باسقارماسىنىڭ ءتوراعاسىن قابىلدادى
كەزدەسۋ بارىسىندا قازاقستان پرەزيدەنتىنە ۇلتتىق كومپانيانىڭ ءبىرىنشى جارتىجىلدىقتاعى قىزمەتىنىڭ نەگىزگى قورىتىندىلارى مەن الداعى پەرسپەكتيۆالارىنا ارنالعان جوسپارلارى جونىندە باياندالدى.
نۇرسۇلتان نازاربايەۆ «قازمۇنايگاز» اكسيونەرلىك قوعامى مۇناي- گاز جوبالارىنىڭ بارلىعىنا قاتىساتىن قازاقستانداعى ءىرى ءوندىرىس حولدينگتەردىڭ ءبىرى ەكەنىن اتاپ ءوتىپ، ەنەرگەتيكا سەكتورىن ودان ءارى دامىتۋ ءۇشىن كومپانيانىڭ الەۋەتىن پايدالانۋ قاجەتتىگىن ايتتى.
«بۇگىندە «قازمۇنايگاز» بەلگىلى ءبىر دامۋ دەڭگەيىنە جەتتى جانە قۇرىلىمدى وڭتايلاندىرۋ، تەحنولوگيالىق ۇدەرىستەردى سيفرلاندىرۋ، IPO- عا شىعۋعا ازىرلىك بارىسىن قامتيتىن ترانسفورماتسيا كەزەڭىن باستان وتكەرۋدە» ، - دەدى قازاقستان پرەزيدەنتى.
ساۋات مىڭبايەۆ مەملەكەت باسشىسىنا ەنەرگيا رەسۋرستارىنا دەگەن الەمدىك باعانىڭ كومپانيا تابىسىنا اسەر ەتۋى تۇرعىسىنان مۇناي نارىعىنداعى احۋالى جونىندە باياندادى.
كەزدەسۋ قورىتىندىسى بويىنشا ەلباسى ءبىرقاتار ناقتى تاپسىرما بەردى.
