استانالىقتارعا عانا قىزمەت كورسەتەتىن جاڭا ورتالىق پايدا بولادى
«ساۋلەت جانە جەر قاتىناستارى بولىمىندەگى بارلىق ماسەلەلەر بويىنشا بيۋروكراتيانى ازايتۋ ءۇشىن قالالىق قىزمەتتەر ورتالىعىن قۇرۋدى ۇسىنعان ەدىڭىز. ءبىز دامىعان ەلدەردىڭ تاجىريبەسىن قاراستىردىق. وسىلايشا، قالالىق قىزمەتتەر ورتالىعىن اشۋدى ۇيعاردىق. مۇنداي ورتالىقتار سانى ءار اۋداندا تورتەۋدەن كەم بولماۋى ءتيىس، ءتىپتى ودان كوبىرەك اشۋ قاجەت دەپ ەسەپتەيمىن» ، - دەدى يسەكەشيەۆ « قالالىق مونيتورينگ جانە جەدەل ارەكەت ەتۋ ورتالىعىندا وتكەن جينالىستا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆقا.
ونىڭ ايتۋىنشا، العاشقى ورتالىق بيىل «Astana Mall» ساۋدا ورتالىعىندا اشىلادى.
«ساۋلەت پەن جەر ماسەلەلەرىنەن بولەك، وندا كوممۋنالدىق قىزمەت تولەمىنە قاتىستى بارلىق ماسەلەلەر ەنەدى. تۇرعىنداردىڭ كوپشىلىگى جىلۋ، جارىق جانە سۋ بويىنشا قايتا ەسەپتەۋ ماسەلەسىن كوتەرىپ ءجۇر. استاناەنەرگوسبىت، تەپلوترانزيت، استانا سۋ ارناسى، الەۋمەتتىك قولداۋ قىزمەتتەرى - ياعني، 109 قىزمەتىنە حابارلاسۋ جەتكىلىكسىز بولىپ جۇرگەن تۇرعىندارعا ارنالادى» ، - دەپ ءتۇسىندىردى قالا اكىمى.
اكىم «قالالىق ح ق و» ورنىن تاڭداۋعا دا ەرەكشە ءمان بەرىلەتىنىن جەتكىزدى.
«مۇنداي ورتالىقتاردى اۆتوتۇراعى ۇلكەن، قوعامدىق كولىكتەر ءجيى جۇرەتىن ورىندا ۇيىمداستىرعىمىز كەلەدى. بۇل رەتتە ساۋدا ورتالىقتارى - تاپتىرماس شەشىم. ياعني، توپتاسىپ كەزەكتە تۇرماي- اق، ءشاي ءىشىپ، جەر، ساۋلەت، كوممۋنالدىق قىزمەتتەردى تولەۋ، ءبىلىم بەرۋ ماسەلەلەرى بويىنشا كونسۋلتاتسيا الۋعا بولادى. بولاشاقتا بۇل قالالىق قىزمەت كورسەتەتىن كەڭەيتىلگەن ح ق و- عا اينالادى» ، - دەپ ءوز ءسوزىن تۇيىندەدى ءا. يسەكەشيەۆ.
ەسكە سالا كەتسەك، بۇعان دەيىن اسەت يسەكەشيەۆ ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆقا « قالالىق مونيتورينگ جانە جەدەل ارەكەت ەتۋ ورتالىعى تۋرالى بايانداپ بەرگەن بولاتىن.
