قاراعاندىدا «دۇنيەگە كەلەر ءالى تالاي قاسىم» اتتى رەسپۋبليكالىق جىر ءمۇشايراسى وتەدى

 استانا. قازاقپارات - قاراعاندى وبلىسى اكىمدىگىنىڭ قولداۋىمەن وبلىستىق تىلدەردى دامىتۋ جونىندەگى باسقارماسى 2018 -جىلدىڭ 19 - قازانىندا «رۋحاني جاڭعىرۋ» باعدارلاماسى اياسىندا قاسىم امانجولوۆ اتىنداعى «دۇنيەگە كەلەر ءالى تالاي قاسىم» اتتى رەسپۋبليكالىق جىر بايگەسىن وتكىزەدى.

 ءمۇشايرانىڭ ماقساتى: قاسىم امانجولوۆ مۇراسىن ناسيحاتتاي وتىرىپ، پوەزيانىڭ دامۋىنا ىقپال ەتۋ، جاس اقىنداردىڭ شىعارماشىلىعىنا قولداۋ كورسەتۋ جانە ەركىن ەلدىڭ جارقىن جەتىستىكتەرىن، وتكەن تاريحى مەن كەمەل بولاشاعىن قارا ولەڭنىڭ قۇدىرەتىمەن قالىڭ جۇرتشىلىققا پاش ەتۋ. شارتتارى: - ءمۇشايراعا 18 -  40 جاس ارالىعىنداعى ۇمىتكەرلەر قاتىسا الادى؛

- قامتىلاتىن تاقىرىپتارىنا قاراي قاسىم امانجولوۆقا ارناۋ، رۋحاني جاڭعىرۋ باعدارلاماسى جايىندا جانە ەركىن تاقىرىپتا -  بارلىعى 3 ولەڭ ۇسىنىلۋى ءتيىس؛

 - ءار ولەڭ كولەمى 100 جولدان اسپاۋى كەرەك؛

 - شىعارمالار ەلەكتروندىق نۇسقادا Microsoft Word فورماتىندا (14 كەگلدە (شريفت) ، جول اراسى 1 ينتەرۆال، Times New Roman قارپىمەن) جىبەرىلۋى قاجەت؛

- جيناقتاردا، مەرزىمدى باسىلىمداردا، سايتتاردا، الەۋمەتتىك جەلىلەردە جاريالانعان، باسقا بايقاۋلارعا ۇسىنىلعان جانە تالاپقا ساي كەلمەيتىن شىعارمالار قابىلدانبايدى؛

 - قابىلدانعان شىعارمالارعا پىكىر بەرىلمەيدى؛

 - قازىلار القاسىنىڭ الدىن- الا ىرىكتەۋىنەن وتكەن ۇمىتكەرلەر قورىتىندى شاراعا قاتىسادى.

 ۇمىتكەرلەردىڭ شىعارمالارىن باعالاۋ كەزىندە:

 - ۇسىنىلعان شىعارمالار تاقىرىبىنىڭ بايقاۋ ماقساتىنا سايكەستىگىنە؛

 - شىعارمانىڭ تاقىرىپتىق- يدەيالىق مازمۇنىنا؛

 - تۋىندىنىڭ كوركەمدىك ساپاسىنا؛

- اۆتوردىڭ ءسوز ساپتاۋ مانەرى، ستيلدىك ەرەكشەلىگىنە نازار اۋدارىلادى. بارلىق كەلىپ تۇسكەن شىعارمالاردى بايقاۋدىڭ قازىلار القاسى الدىن الا قاراپ، تالداۋ جاسايدى جانە باعالايدى. ءمۇشايرانىڭ جۇلدە قورى: باس جۇلدە (بىرەۋ) -   500000 (بەس ءجۇز مىڭ) تەڭگە؛

I  ورىن (بىرەۋ) -   350000 (ء ۇش ءجۇز ەلۋ مىڭ) تەڭگە؛

 Ⅱورىن (ەكەۋ) -  250000 (ەكى ءجۇز ەلۋ مىڭ) تەڭگەدەن؛

 Ⅲورىن (ۇشەۋ) -   000 150 (ءجۇز ەلۋ مىڭ) تەڭگەدەن؛

 ىنتالاندىرۋ سىيلىعى (ون) -   30000 (وتىز مىڭ) تەڭگەدەن ؛

 ءمۇشايرانىڭ جەڭىمپازى مەن جۇلدەگەرلەرى ديپلومدار جانە اقشالاي سىيلىقتارمەن ماراپاتتالادى. ءمۇشايراعا ات سالىسىپ، قوسىمشا قولداۋ بىلدىرەمىز دەگەن ازاماتتار بولسا قارسىلىق بولمايدى. ءمۇشايراعا قاتىسۋ ءۇشىن ۇمىتكەردىڭ تاپسىرىستارى (ۇلگىدەگى كەستەگە سايكەس اتى- ءجونى، جۇمىس نەمەسە وقۋ ورنى، بايلانىس تەلەفوندارى كورسەتىلە وتىرىپ، جەكە كۋالىگىنىڭ كوشىرمەسىمەن قوسا) جانە شىعارمالارى 2018 -جىلعى 23 - قىركۇيەككە دەيىن [e-mail] ەلەكتروندى مەكەنجايى بويىنشا قابىلدانادى. انىقتاما تەلەفونى: 87212567476

Massaget.kz