استانادا ورىس ءتىلدى سىنىپتاردى مەملەكەتتىك تىلگە قالاي كوشىرەدى

استانا. قازاقپارات - قازاق ءتىلى الدىمەن ساباققا ەنگىزىلەدى. ءسويتىپ، تۇتاس سىنىپتى مەملەكەتتىك تىلگە كوشىرۋ جوسپارلانعان، دەپ حابارلايدى قازاقپارات ءتىلشىسى.

استانا قالالىق ءبىلىم باسقارماسىنىڭ باسشىسى ءانۋار جانعوزيننىڭ ايتۋىنشا، بيىل اتا- انالاردىڭ ۇسىنىسىمەن «جاڭاشىل سىنىپتاردى» اشۋ جوباسى قولعا الىنادى.

«جوبا مەملەكەتتىك ءتىلدى دامىتۋعا باعىتتالعان. نەگىزگى يدەياسى - ورىس تىلىندە ءبىلىم الاتىن سىنىپتاردى كەزەڭ- كەزەڭىمەن مەملەكەتتىك تىلدەگى سىنىپتارعا اينالدىرۋ. ءىس جۇزىندە ءبىرىنشى سىنىپقا كەلەتىن بالالار باستاپقىدا ساباقتا اقپاراتتىڭ 70 پروتسەنتىن ورىس تىلىندە، 30 پروتسەنتىن قازاق تىلىندە وقيدى. ال بەسىنشى سىنىپقا بارعاندا وقىتۋ ءتىلى تولىعىمەن مەملەكەتتىك تىلگە كوشىرىلەتىن بولادى. جاڭا وقۋ جىلىندا وسىنداي سىنىپتاردى 60- مەكتەپ- ليتسەيى نەگىزىندە اشپاقپىز. سونىمەن قاتار، ءدال سونداي ءادىس قىزدارعا ارنالعان ءبىلىم- يننوۆاتسيا ليسەيىندە بيىل اشىلاتىن بەسىنشى سىنىپتارعا دا ەنگىزىلەتىن بولادى»، - دەدى ءا. جانعوزين بۇگىنگى تامىز كونفەرەنسياسىندا.

 ايتا كەتەيىك، بۇگىنگى جيىندا قالا اكىمى قانشا مۇعالىمگە پاتەر بەرىلەتىنىن ايتتى.

 بۇگىندە رەسپۋبليكا بويىنشا ءبىر مەكتەپكە شامامەن 800-1500 وقۋشى كەلەدى. ال ەلوردادا اتالعان كورسەتكىش 1500-گە جەتىپ وتىر. الداعى بەس جىلدا استاناعا تاعى 120 مىڭنان استام وقۋشى كەلەدى دەگەن بولجام بار. «2011 -جىلى ەلوردا مەكتەپتەرىندە 75 مىڭ وقۋشى وقىسا، بىلتىر اتالعان كورسەتكىش 140 مىڭعا جەتتى. بيىل 155 مىڭ وقۋشى بولادى دەپ وتىرمىز. وسىعان بايلانىستى الداعى بەس جىلدا مەملەكەتتىك بيۋدجەتتىڭ ەسەبىنەن 24 مەكتەپ سالىنادى»، - دەيدى ءا. يسەكەشيەۆ.

 سالتاناتتى شارا بارىسىندا مەكتەپ مۇعالىمدەرىنە پاتەر كىلتتەرى تابىستالدى.

اۆتور: ارمان اسقاروۆ