الماتى وبلىسىندا ءىرى كولەمدە ەسىرتكى تاركىلەندى
كۇدىكتىلەر ءتارتىپ ساقشىلارىنىڭ «كەندىر-2018» ارنايى وپەراتسياسى كەزىندە قاپشاعاي قالاسى ماڭىندا، ىلە اۋدانىندا ۇستالدى. ىلە اۋدانى، قاروي اۋىلىنىڭ 47 جاستاعى تۇرعىنىنان 9 كەلى قاراسورا (ماريحۋان) تابىلدى. ول ەسىرتكىنى ۇيىندە جاسىرعان. سونداي-اق قاپشاعاي-قازاقستان تاس جولىنداعى رەيد بارىسىندا 28 جاستاعى جامبىل اۋدانىنىڭ تۇرعىنى ۇستالدى. ول ءوزىنىڭ موتوتسيكلىمەن 6 كەلى قاراسورا الىپ وتپەك بولعان. الماتى وبلىستىق ءى ءى د باسپا ءسوز قىزمەتى ەكى جاعداي بويىنشا ق ر ق ك 296- بابى بويىنشا سوت الدى تەرگەۋ باستالعانىن اتاپ ءوتتى.
جىل باسىنان بەرى الماتى وبلىسىندا زاڭسىز اينالىمنان 4 توننا ءار ءتۇرلى ەسىرتكى زاتتارى تاركىلەندى. ونىڭ ىشىندە 1 كەلى گەروين، 8 كەلى گاشيش بولعان. سونداي-اق ءتارتىپ ساقشىلارى 50 دەن استام ەسىرتكى ساۋدالاعان ازاماتتاردىڭ قىلمىستارىن اشكەرەلەگەن.
