ەلباسى احمەتجان ەسىموۆتى قابىلدادى
كەزدەسۋ بارىسىندا مەملەكەت باسشىسىنا «سامۇرىق قازىنا» اكتسيونەرلىك قوعامىنىڭ بيىلعى 7 اي ىشىندەگى قىزمەتىنىڭ ناتيجەلەرى مەن الداعى كەزەڭدەگى جوسپارلارى جونىندە مالىمەت بەرىلدى.
«ءبىرىنشى جارتىجىلدىقتىڭ نەگىزگى كورسەتكىشتەرى جاقسى. ءوزىڭىز بەكىتكەن قور ستراتەگياسىن جۇزەگە اسىرۋ ماقساتىمەن بەلگىلى ءبىر جۇمىستار اتقارىلىپ، ءبىرقاتار ناتيجەلەرگە قول جەتكىزىلدى. سونىڭ ىشىندە، حولدينگتى ترانسفورماتسيالاۋ ءىسى جالعاسۋدا، جەكەشەلەندىرۋ اياسىندا 42 ميلليارد تەڭگە كولەمىندەگى 18 اكتيۆ ىسكە اسىرىلدى. وسى جىلدىڭ اياعىنا دەيىن «قازاق تەلەكوم»، «Air Astana» جانە «قاز اتوم ونەركاسىپ» كومپانيالارىن IPO- عا شىعارۋدى جوسپارلاپ وتىرمىز»، - دەدى احمەتجان ەسىموۆ.
نۇرسۇلتان نازاربايەۆ قوردىڭ ساتىپ الۋ كولەمىن باسەكەلەستىك ورتاعا بەرۋدىڭ ماڭىزدىلىعىنا توقتالىپ، اتقارىلعان جۇمىستاردىڭ شاعىن جانە ورتا بيزنەستى قولداۋ ىسىندەگى وڭ ناتيجەلەرىن اتاپ ءوتتى.
سوڭىندا مەملەكەت باسشىسى «سامۇرىق قازىنا» اكتسيونەرلىك قوعامى قىزمەتىنىڭ تيىمدىلىگىن ارتتىرۋ جونىندە ءبىرقاتار تاپسىرما بەردى.
