قازاقستاندا يۋنەسكو باستاماسىمەن الەمدىك ەتنوسپورت ويىندارى وتكىزىلمەك
12 - تامىز كۇنى تۇركيانىڭ ەرزۋرۋم قالاسىندا دۇنيەجۇزىلىك ەتنوسپورت كونفەدەراتسياسىنىڭ ۇيىمداستىرۋىمەن «تۇركى ويىندارى-2018» فەستيۆالى باستالدى. سونىمەن بىرگە، 13-15 - تامىز ارالىعىندا ىستانبۇل قالاسىندا يۋنەسكو- نىڭ جانە دۇنيەجۇزىلىك ەتنوسپورت كونفەدەراتسياسىنىڭ ۇيىمداستىرۋىمەن «كەشەندى ІV كوسۋلتاتسيالىق كەڭەس وتىرىسى» جانە ء«داستۇرلى سپورتتار مەن ويىندار بويىنشا دوستىق توبى وتىرىسى» اتتى جيىندار وتكىزىلدى.
الەمنىڭ ەتنوسپورتتى دامىتۋشى كوپتەگەن مەملەكەتتەرىنىڭ جۇزدەن استام وكىلدەرى قاتىساتىن بۇل جيىنعا ق ر مادەنيەت جانە سپورت مينيسترلىگى جانە قر ۇلتتىق سپورت قاۋىمداستىعىنىڭ وكىلدەرى دە ارنايى شاقىرتۋ العان بولاتىن. جالپى جيىن قورىتىندىسىندا، 2021 -جىلى 1- الەمدىك ەتنوسپورت ويىندارىنىڭ قازاقستان رەسپۋبليكاسىندا ۇيىمداستىرىلۋ مۇمكىندىگىنىڭ باسىم ەكەندىگى ايتىلدى.
قازاقستاندا يۋنەسكو باستاماسىمەن الەمدىك ەتنوسپورت ويىندارى وتكىزىلمەك«2021 -جىل - قازاقستان رەسپۋبليكاسىنىڭ تاۋەلسىزدىك العانىنا 30 جىل تولاتىن مەرەكەلى جىل. وسى مەرەكەلى جىلى استانادا جەر جاھاننىڭ تاڭداۋلى ۇلتتىق ويىندارى تاماشالاناتىن الەمدىك ەتنوسپورت ويىندارى تۋ كوتەرۋى بەك مۇمكىن» ، - دەلىنگەن مينيسترلىك مالىمەتىندە.
ەستەرىڭىزگە سالا كەتەيىن، 2018 -جىلعى 1-2 - شىلدەدە يۋنەسكو- نىڭ ءداستۇرلى سپورتتار مەن ويىندار كوميتەتىنىڭ وكىلدەرى حاليل احمەد حان، شاممي رانا جانە مارسەللين دەللي مىرزالاردىڭ استاناعا ارنايى ساپارمەن كەلگەن ەدى. قازاقستان مەملەكەتىنىڭ الەمدىك ەتنوسپورت ويىندارىن وتكىزۋگە ۇمىتكەر ەلدىڭ ءبىرى ەكەندىگى سول كەزدە مالىمدەلگەن. استاناداعى ۇلتتىق مۋزەيدە يۋنەسكو، ق ر مادەنيەت جانە سپورت مينيسترلىگى جانە قر ۇلتتىق سپورت قاۋىمداستىعى اراسىنداعى ءۇشجاقتى ءوزارا تۇسىنىستىك جونىندەگى مەموراندۋمعا قول قويىلدى.
