قازاقستاندىقتاردى ا ق ش- تا تەگىن دەمالۋ قىزىقتىرادى
سۇراۋلى سوزدەرى (نە، قايدا، قانشا جانە ت. ب.) جانە «دەمالىس»، «ساپار»، «تەڭىز»، «ساياحات» سوزدەرىن قولدانا وتىرىپ قويىلعان ساۋالدار ەسكەرىلگەن.
جازعى دەمالىسقا قاتىستى قازاقستاندىقتاردىڭ 5 ۇزدىك سۇراقتارىنا مىنالار كىرەدى: «قايدا دەمالۋعا بارۋعا بولادى؟»، «اقتاۋداعى كاسپي تەڭىزى سۋى قانشا گرادۋس؟»، «تەڭىزگە وزىڭمەن بىرگە نە الىپ بارۋ قاجەت؟»، «تۇركيانىڭ قاي جەرىندە دەمالعان جاقسى؟»، «قىرعىزستانداعى ىستىقكولدە قاي ۋاقىتتا دەمالعان جاقسى؟».
قازاقستاندىقتاردىڭ ساياحاتتاۋعا ەڭ جوعارى سۇرانىسى شىلدە ايىندا تىركەلگەن. وسى ايدا «دەمالىس» ءسوزى قولدانىلعان ساۋالدار ەڭ كوپ تىركەلگەن. ال قازاقستاندىقتاردى قازان ايىندا ساپارلار ونشا قىزىقتىرمايتىندىعى انىقتالعان.
كەيبىر ازاماتتار ينتەرنەتتەن ناقتى كەڭەستەر دە ىزدەيدى: ا ق ش- تا تەگىن قالاي دەمالۋعا بولادى، ب ا ءا- گە ساپار الدىندا قانداي ماسەلەلەردى بىلگەن ءجون، ەگەر وتباسىندا كەلىسپەۋشىلىك بولسا دەمالىس ورنىن قالاي دۇرىس تاڭداعان ءجون، تەڭىزگە دەمالۋعا بارعان كەزدە قالاي ادەمى سۋرەتكە تۇسۋگە بولادى.
قازاقستاندىقتار اراسىندا شەتەلدە جازعى دەمالىس وتكىزۋدە تانىمالدىققا يە بولعان ەلدەر مىنالار: تۇركيا، رەسەي، مىسىر، ب ا ءا، قىتاي، تايلاند، گرۋزيا، قىرعىزستان، گەرمانيا جانە گرەكيا.
دەمالىس ورنىن ىزدەۋ بارىسىندا قازاقستاندىقتار ناقتى ەلدى بارلىق ۋاقىتتا كورسەتە بەرمەيدى. ماسەلەن، قىرىم، سوچي جانە قارا تەڭىز جايىندا سۇرايدى. قىتايمەن قاتار حاينان ارالىنا قىزىعۋشىلىق تانىتادى. قىرعىزستاننان بولەك ىستىقكولدى ىزدەيدى.
ال ەگەر قازاقستاننىڭ عانا شيپاجايلارىن ەسكەرەر بولساق، وندا ەڭ ۇزدىكتەر قاتارىندا كاسپي تەڭىزى، الاكول مەن بالقاش كولدەرى بار.
قازاقستانداعى جازعى دەمالىس ءۇشىن جايلى 5 ورىن - كاسپي تەڭىزى، بالقاش، الاكول، ارال جانە قاپشاعاي سۋ قويماسى.
