تۇركيا ا ق ش سانكسيالارىنا جاۋاپ رەتىندە امەريكالىق تاۋارلارعا باج سالىعىن ءوسىردى

استانا. قازاقپارات - تۇركيا ا ق ش سانكسيالارىنا جاۋاپ رەتىندە امەريكالىق تاۋارلاردىڭ باج سالىعىن ءوسىردى.

تايىپ ەردوعاننىڭ مۇنداي جارلىعى Resmi Gazete باسىلىمىندا جاريالاندى، - دەپ حابارلايدى ر ي ا نوۆوستي.

قۇجاتقا سايكەس، ا ق ش- تان يمپورتتالاتىن تاۋارلاردىڭ باج سالىعى ءوستى. مىسالى، تەمەكى ونىمدەرىنىڭ باج سالىعى 60 پايىزعا، الكوگول 140 پايىزعا، اۆتوموبيلدەر 120، كوسمەتيكا زاتتارى 60 پايىزعا، كۇرىش 50 پايىزعا جانە جەمىستەردىڭ باج سالىعى 20 پايىزعا وسكەن.

بۇدان بولەك تاعى بىرنەشە تاۋارلاردىڭ باج سالىعى وسكەنى جازىلعان. ا ق ش پەن تۇركيانىڭ قارىم-قاتىناسى سوڭعى كەزدە ۋشىعىپ وتىر.

تاياۋدا ا ق ش قارجى مينيسترلىگى «ادام قۇقىعىن ورەسكەل بۇزدى» دەگەن ايىپپەن تۇركيانىڭ ادىلەت ءمينيسترى ابدۋلحاميت گيۋل مەن ءى ءى م باسشىسى سۇلەيمان سويلۋعا قاتىستى سانكسيا شىعارعان ەدى.

ەسكە سالا كەتەيىك، وسىعان دەيىن ەردوعاننىڭ تۇركيادا iPhone ساتىلىمىنا تىيىم سالۋدى جوسپارلاپ وتىرعانى حابارلانعان ەدى. تۇركيا امەريكالىق سانكسيالارعا جاۋاپ رەتىندە ا ق ش- تىڭ ەلەكتروندىق تاۋارلارىنا بويكوت جاريالاۋ تۋرالى شەشىمگە كەلدى. سونداي-اق، مۇنىڭ الدىندا تۇركيانىڭ دوللاردان باس تارتۋعا بەل بۋعانى دا ايتىلعان بولاتىن.

Kaz.tengrinews.kz