شەتەلدىكتەر ارنايى كۇنتىزبە ارقىلى قازاقستانعا ساياحاتتاي الادى
بۇعان دەيىن «اتامەكەن» ۇكپ مەن «Kazakh Tourism» اق اراسىندا تۋريستىك سالانى دامىتۋ بويىنشا ىنتىماقتاستىق كەلىسىمى بەكىتىلگەن ەدى.
«ەكىجاقتى كەلىسىم اياسىندا قازاقستان بويىنشا ساياحاتقا ارنالعان كۇنتىزبە ازىرلەگىمىز كەلەدى. وسىلايشا تۋريستەر جىلدىڭ قاي مەزگىلىندە قازاقستاننىڭ قاي وڭىرىنە بارۋ ءتيىمدى ەكەنىن، قانداي قىزىقتى شارالار ۇيىمداستىرىلاتىنىن بىلە الادى» ، - «اتامەكەن» ۇ ك پ باسقارما ءتوراعاسىنىڭ ورىنباسارى يۋليا ياكۋپبايەۆا مەموراندۋمعا قول قويۋ راسىمىندە.
سونىمەن بىرگە، تاراپتار تۋريزم سالاسىنداعى كاسىپكەرلەرگە سالىقتىق جانە كەدەندىك ماسەلەلەر بويىنشا مەملەكەتتىك قولداۋدىڭ جاڭا تاسىلدەرىن ازىرلەۋدى جوسپارلاپ وتىر. اسىرەسە، شاعىن جانە ورتا بيزنەس، بالالار مەن جاسوسپىرىمدەر ءتۋريزمى سالاسىنداعى كاسىپكەرلەرگە كومەك كورسەتۋ كوزدەلىپ وتىر.
«قازاقستان تۋريستەرىنە كورسەتىلەتىن قىزمەتتى جاقسارتۋ ءۇشىن رەيتينگتەر مەن پىكىرلەر جۇيەسىن ەنگىزۋ قاجەت. ءقازىر ساراپشىلارىمىز TripAdvisor، Booking.com سىندى تانىمال سايتتاردى زەرتتەپ جاتىر. سەبەبى، تۋريستەردى ورنالاستىراتىن ماماندار مەنەدجمەنتتى دامىتۋدا كەرى بايلانىستىڭ ماڭىزدى ءرول وينايتىنىن جەتكىزدى. وسىلايشا، قازاقستانداعى سەرۆيستى جاقسارتۋعا كۇش سال الامىز» ، - دەدى يۋ. ياكۋپبايەۆا.
