الماتىنىڭ اپتابىندا زووباق جانۋارلارى قالاي تىرشىلىك ەتۋدە

الماتى. قازاقپارات - الماتىدا اپتاپ ىستىقتىڭ قايتپاي تۇرعانىنا بىرنەشە اپتا بولدى. كۇندىز اۋا تەمپەراتۋراسى +39 گرادۋسقا دەيىن جەتەدى. قولايسىز اۋا رايىندا زووباق جانۋارلارى قالاي تىرشىلىك ەتىپ جاتقانىن قازاقپارات ءتىلشىسى ءبىلىپ قايتتى.

زووباق قىزمەتكەرلەرى جانۋارلاردى ىستىقتان قورعاۋدىڭ بار امالىن جاساپ جاتىر. جانۋارلارعا مۇزداتىلعان تاماق، سۋىق سۋ بەرۋدە. سونىمەن قاتار، ولار ءۇشىن كولەڭكەلى سايالى ورىندار جاسالعان.

الماتىنىڭ اپتابىندا زووباق جانۋارلارى قالاي تىرشىلىك ەتۋدەمامانداردىڭ ايتۋىنشا، سولتۇستىك مۇزدى مۇحيتىنان كەلگەن جانۋارلاردان بولەك ىستىق ايماقتا ءومىر سۇرەتىن جانۋارلار دا اپتاپ ىستىقتان از زارداپ شەكپەيدى.

 

الماتىنىڭ اپتابىندا زووباق جانۋارلارى قالاي تىرشىلىك ەتۋدەجابايى تابيعات اياسىندا ارىستاندار ۋاقىتىن باوباب كولەڭكەسىندە 20 ساعاتتان استام ۇيىقتاۋمەن وتكىزەدى. لەوپاردتار دا اعاش بۇتاقتارىنا شىعىپ الىپ ۇيىقتايدى.

الماتىنىڭ اپتابىندا زووباق جانۋارلارى قالاي تىرشىلىك ەتۋدە «مىسىق تۇقىمداستار سۋدى اسا ۇناتا بەرمەيدى. ءتىپتى ىستىق كەزدە دە سۋعا اياقتارىن سالماۋعا تىرىسادى. ال زووباقتا ءبىز ۆولەرلەردى دىمقىلداپ تۇرامىز. پىلدەر بولسا ءجيى دۋش قابىلداپ تۇرادى. ال سۋسيىرلار مۇلدە سۋدان شىقپايدى»، - دەدى زووباق قىزمەتكەرى ميحايل سوروكوۋموۆ.

الماتىنىڭ اپتابىندا زووباق جانۋارلارى قالاي تىرشىلىك ەتۋدە تارعىل گيەنالار ءوز ۆولەرلەرىندە ءىن قازىپ الىپ، ىستىقتا ۇڭگىرلەرىن پانالاپ ءجۇر. ال الكور ەسىمدى اق ايۋ دىڭ ۆولەرى بىلتىر قايتا جاسالعان بولاتىن. قازىر ونىڭ ۆولەرىندە كونديسيونەر قوسۋلى.

الماتىنىڭ اپتابىندا زووباق جانۋارلارى قالاي تىرشىلىك ەتۋدەسونداي- اق، جانۋارلار ءۇشىن ارنايى سالقىنداتىلعان باسسەين بار.

اۆتور: گۇلميرا عوسمانالي