قازاقستاندا «ديسنەيلەند» سالىنباق

الماتى. قازاقپارات - الماتى وبلىسىندا سالىناتىن «Happy Land» وتباسىمەن كوڭىل كوتەرۋ پاركىنىڭ قۇرىلىسىنا ينۆەستورلاردى ىزدەۋ بويىنشا جۇمىستار ءجۇرىپ جاتىر.

بۇل تۋرالى «KAZAKH INVEST»  ۇلتتىق كومپانياسى» ا ق الماتى قالاسى بويىنشا وكىلدىگىنىڭ ديرەكتورى جاندوس ورازاليەۆ ءمالىم ەتتى، دەپ حابارلايدى قازاقپارات ءتىلشىسى.

ساياباق قازاقستاننىڭ تۋريزم سالاسىن دامىتۋ كونتسەپتسياسى اياسىندا سالىنباق.

«بۇل جوبا تۋريستەردى تارتۋعا سەپتىگىن تيگىزەدى. «ديسنەيلەند» سەكىلدى كەشەندى سالۋ ءۇشىن ينۆەستيسيا قاجەت. قازىر ءبىز كاتار جانە ب ا ءا كومپانيالارىمەن كەلىسسوزدەر جۇرگىزىپ جاتىرمىز. ءالى ناقتى شەشىم قابىلدانعان جوق. ينۆەستورلاردى ىزدەۋ جۇمىستارى ءجۇرىپ جاتىر»، - دەيدى ج. ورازاليەۆ.

ونىڭ سوزىنە قاراعاندا، «Happy Land» ساياباعىن سالۋعا 200 ميلليون ا ق ش دوللارى قاجەت.

كەشەندە ءىرى ساۋدا، ويىن-ساۋىق ورتالىعى، كافەتەري، قوناق ءۇي بوي كوتەرەدى. جوبا 198 گەكتار اۋداندى قامتيدى.