قازاقستاندا ءبىرقاتار مينيسترلىكتەر سايتى ۋاقىتشا قولجەتىمسىز بولادى

استانا. قازاقپارات - «ۇلتتىق اقپاراتتىق تەحنولوگيالار» ا ق مەملەكەتتىك ورگاندار مەن ەلەكتروندىق ۇكىمەت سايتتارىنا پروفيلاكتيكالىق جۇمىستار جاسالۋىنا بايلانىستى ۋاقىتشا قولجەتىمسىز بولاتىنىن ەسكەرتتى، دەپ حابارلايدى قازاقپارات.

«ۇلتتىق اقپاراتتىق تەحنولوگيالار» ا ق 2018-جىلعى 4- تامىز كۇنى ساعات 21.00 دەن باستاپ 5 تامىز كۇنى 09.00-گە دەيىن تەلەكوممۋنيكاتسيالىق قۇرال- جابدىقتارىندا جوسپارلى پروفيلاكتيكالىق جۇمىستارىنىڭ جۇرەتىنى تۋرالى حابارلايدى. وسىعان بايلانىستى سىزگە ءبىرقاتار ينتەرنەت-رەسۋرستار قىسقا مەرزىمدە قولجەتىمسىز بولۋى مۇمكىن»، - دەلىنگەن تاراتىلعان حابارلامادا.

اتاپ ايتقاندا، ق ر ۇلتتىق كۋالاندىرۋشى ورتالىعى، «ەلەكتروندىق ۇكىمەت پورتالى»، «ە- ليتسەنزيالاۋ» پورتالى، «ەلەكتروندىق ۇكىمەتتىڭ تولەم شليۋزى»، ق ر ءبىرىڭعاي نوتارياتتىق اقپارات جۇيەسىنىڭ سايتى، ق ر اقپارات جانە كوممۋنيكاتسيالار مينيسترلىگى مەن ق ر ينۆەستيتسيالار جانە دامۋ مينيسترلىگى سايتتارى ۋاقىتشا جۇمىسىن توقتاۋى ىقتيمال. بۇدان بولەك، قر تەحنيكالىق بايقاۋدىڭ ءبىرىڭعاي اقپاراتتىق جۇيەسىنىڭ سايتى، ق ر دەنساۋلىق ساقتاۋ مينيسترلىگىنىڭ، ق ر ۇلتتىق قاۋىپسىزدىك كوميتەتىنىڭ، ق ر قورعانىس جانە اەروعارىش ونەركاسىبى مينيسترلىگىنىڭ، ق ر مەملەكەتتىك قىزمەت ىستەرى جانە سىبايلاس-جەمقورلىققا قارسى ءىس-قيمىل اگەنتتىگىنىڭ، ق ر كونستيتۋتسيالىق كەڭەسىنىڭ، سونداي-اق ق ر جوعارعى سوتىنىڭ ينتەرنەت-رەسۋرستارى قولجەتىمسىز بولادى.