بيىل قانشا قازاقستاندىق قاجىلىققا اتتانادى
«ساۋد ارابياسى تاراپىنان 3000 ورىنعا كۆوتا ءبولىندى. قازاقستاندىق قاجىلاردى 18 كومپانيا اپارادى. ءوتىنىش بەرگەندەردىڭ قاتارىنا 16-89 جاس ارالىعىنداعى ازاماتتار بار. كامەلەتكە تولماعاندار اتا- انالارىمەن بىرگە بارادى. بۇگىنگى تاڭدا 1500 گە جۋىق ادامنىڭ ۆيزاسى دايىن»، - دەدى ق م د ب وكىلى نۇرقانات بايزاقوۆ.
ونىڭ ايتۋىنشا، بيىلعى قاجىلىقتىڭ ەرەكشەلىگى - ءبىرىڭعاي كيىم كيەتىندىگىندە.
«بۇرىن 18 كومپانيا 18 ءتۇرلى كيىممەن اپاراتىن. ەندى بيىل كيىم ءبىر، تەك كيىمدەگى لوگوتيپ قانا ءارتۇرلى بولادى»، - دەدى ن. بايزاقوۆ.
بيىل قاجىلىق ساپارىنىڭ قۇنى 4400-5000 ا ق ش دوللارى شاماسىندا.
«قاجىلىق ساپارىنىڭ قۇنى كورسەتىلەتىن سەرۆيسكە، تاماققا، ءقوناۇيدىڭ الىستىعى مەن جاقىندىعىنا بايلانىستى بولادى»، - دەدى ول.
قاجىلار قاسيەتتى ورىندارعا وتاندىق Scat جانە ساۋد ارابياسىنىڭ Fly Nas اۋەكومپانيالارىنىڭ ۇشاقتارىمەن جەتەدى.
بيىل رەيستەر الماتى، استانا، اقتاۋ جانە شىمكەنت قالالارىنان ۇشادى.
قاجىلاردىڭ العاشقى لەگى قازاقستاننان 8-9 -تامىزدا شىقسا، ەلگە 1 -قىركۇيەككە دەيىن ورالۋى ءتيىس.
