ءۇندىستان سىرتقى ىستەر ءمينيسترى قازاقستانعا كەلەدى

استانا. قازاقپارات - ءۇندىستاننىڭ سىرتقى ىستەر ءمينيسترى سۋشما سۆارادج حانىم 2018-جىلعى 2-3- تامىزدا قازاقستانعا رەسمي ساپارمەن كەلەدى، دەپ حابارلايدى قازاقپارات.

ساپار بارىسىندا سۋشما سۆارادج حانىم ق ر سىرتقى ىستەر ءمينيسترى قايرات ابدىراحمانوۆپەن ەكىجاقتى كەزدەسۋ وتكىزەدى.

2- تامىزدا ءۇندىستاننىڭ سىرتقى ىستەر ءمينيسترى ءۇندى قاۋىمداستىعىمەن جۇزدەسىپ، 3- تامىزدا ق ر پرەمەر-ءمينيسترى باقىتجان ساعىنتايەۆپەن كەزدەسەدى.

ءۇندىستان مەن قازاقستاننىڭ قارىم-قاتىناستارى سان عاسىرلىق تاريحي جانە مادەني بايلانىستارعا نەگىزدەلەدى. ءۇندىستان مەن قازاقستان ەكىجاقتى جانە كوپ جاقتى قارىم-قاتىناستىڭ ءاربىر سالاسىندا جان-جاقتى ىنتىماقتاستىقتى ارتتىرىپ، 2009-جىلدان باستاپ ستراتەگيالىق سەرىكتەستەر بولىپ تابىلادى.

بۇل ساپار ءۇندىستان مەن قازاقستان اراسىنداعى ەكىجاقتى قارىم-قاتىناستى ودان ءارى ارتتىرۋ مۇمكىنشىلىگىن بەرەدى.