قىرعىزستانداعى مەرت بولعان ادام قازاقستان عالىمى بولىپ شىقتى
«قازا بولعان ازامات الماتى تۇرعىنى»، - دەپ ناقتىلادى ءمينيستردىڭ ورىنباسارى.
ونىڭ سوزىنە قاراعاندا، زارداپ شەككەن تاعى ەكى ادام دا الماتىدان بولسا، ءۇشىنشىسى وسكەمەن قالاسىنىڭ تۇرعىنى.
«ولاردىڭ بارلىعى ەر ازاماتتار. زارداپ شەككەندەردىڭ دەنساۋلىقتارى كەلگەن بويدا الماتى اۋەجايىندا تەكسەرىلدى. سودان كەيىن ولار الماتىنىڭ مەديتسينالىق بولىمشەلەرىنە تاپسىرىلدى. دارىگەرلەردىڭ حابارلاۋىنشا، بۇل ادامداردى اۋرۋحاناعا جاتقىزۋ قاجەتتىگى بولماعان»، - دەدى ق ر ىشكى ىستەر ءمينيسترىنىڭ ورىنباسارى يۋريي يلين.
«ول (قازا بولعان ازامات) 1976 -جىلى تۋعان. الماتىداعى عىلىمي- زەرتتەۋ ينستيتۋتتارىنىڭ بىرىندە جۇمىس ىستەگەن. قازىر ونىڭ دەنەسى الماتىعا جەتكىزىلدى»، - دەدى يۋ. يلين.
بەلگىلى بولعانداي، 30 -شىلدە كۇنى ساعات 18:00 كەزىندە قىرعىزستان توتەنشە جاعدايلار مينيسترلىگى قر ىشكى ىستەر مينيسترلىگىنە سكريابين مۇزدىعىندا تاس كوشكىنى بولعانىن، سونىڭ سالدارىنان تۋريستەر توبى زارداپ شەككەنىنى تۋرالى حابارلادى. وسىعان بايلانىستى ولارعا كومەك كورسەتۋ ءۇشىن اۋە كولىگىن جىبەرۋ تۋرالى سۇرادى.
بۇدان بۇرىن حابارلانعانداي، 31 -شىلدەدە ساعات 6:58-دە ت ج ك رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى قىرعىزستان رەسپۋبليكاسىنا قازاۆياقۇتقارۋ تىكۇشاعىمەن سكريابين مۇزدىعى اۋدانىنا ۇشىپ شىقتى.
9 ادامنان، سونىڭ ىشىندە ەكى كينولوگيالىق توپتان قۇرالعان جەدەل توپ الماتىدان مي-171ي تىكۇشاعىمەن اتتاندى. قۇتقارۋ بارىسىندا مۇزدىقتان رەسەيدىڭ ءۇش ازاماتى مەن قازاقستاننىڭ ءۇش ازاماتى، سونداي-اق قازا بولعان ءبىر قازاقستاندىق شىعارىلدى.
اتاپ ايتقاندا، ساعات 12:08-دە قازاۆياقۇتقارۋ تىكۇشاعى زارداپ شەككەندەرمەن بىرگە «ماناس» اۋەجايىنان شىعىپ، ساعات 13:23-تە الماتى اۋەجايىنا كەلىپ قوندى.
ەسكە سالايىق، 30 -شىلدەدە قىرعىزستان اۋماعىندا بىشكەك قالاسىنان 40 شاقىرىم قاشىقتىقتا سكريابين مۇزدىعى اۋدانىندا ءبىر توپ تۋريستەر تاس كوشكىنىنە تاپ بولعان ەدى. زارداپ شەگۋشىلەردىڭ اراسىندا ءتورت قازاقستان ازاماتى بار. ق ر سىرتقى ىستەر مينيسترلىگى ءبىر قازاقستاندىقتىڭ مەرت بولعانىن راستادى.
