07:58, 31 - شىلدە 2018 | GMT +6
قازاقستان مەن تۇرىكمەنستاننىڭ س ءى م باسشىلارى كاسپي سامميتىنە دايىندىق بارىسىن تالقىلادى
استانا. قازاقپارات - قازاقستان سىرتقى ىستەر ءمينيسترى قايرات ءابدىراحمانوۆ جانە تۇركىمەنستان مينيسترلەر كابينەتى ءتوراعاسىنىڭ ورىنباسارى - سىرتقى ىستەر ءمينيسترى راشيد مەرەدوۆ ەكى مەملەكەت باسشىلارىنىڭ الداعى جوعارى دەڭگەيدەگى كەزدەسۋلەرگە دايىندىق بارىسىن تەلەفون ارقىلى تالقىلادى.
بۇل تۋرالى ق ر س ءى م باسپا ءسوز قىزمەتىنە سىلتەمە جاساپ قازاقپارات حابارلايدى.
اڭگىمە بارىسىندا ءتيىمدى ساياسي ءوزارا ىقپالداستىق، كەڭەيەتىن ساۋدا-ەكونوميكالىق ىنتىماقتاستىق جانە كۇشەيىپ كەلە جاتقان مادەني-گۋمانيتارلىق بايلانىستار دالەل بولىپ تابىلاتىن قازاق-تۇركىمەن قاتىناستارىنىڭ جوعارى ديناميكاسى اتاپ ءوتىلدى.
تاراپتار الداعى اقتاۋ قالاسىندا وتەتىن بەسىنشى كاسپي سامميتىن ۇيىمداستىرۋ جانە مازمۇندىق اسپەكتىلەرىن ازىرلەۋگە ەرەكشە نازار اۋداردى، سونداي-اق بيىل 25 جىلدىق مەرەيتويىن اتاپ وتەتىن «حالىقارالىق ارالدى قۇتقارۋ قورىنىڭ» نەگىزىن قالاۋشى مەملەكەتتەر رەتىندە بىرلەسكەن ارەكەتتى ءسوز ەتتى.
