18:15, 27 - شىلدە 2018 | GMT +5
دابىل: استانادا قۇلاقتاندىرۋ جۇيەلەرى تەكسەرىلەدى
استانا. قازاقپارات - 23-31 -شىلدەدە استانا قالاسى اكىمدىگى توتەنشە جاعدايلار دەپارتامەنتىمەن بىرلەسىپ، تەلە-راديو ارنالاردىڭ كومەگىمەن، ەلەكتر دابىلدارىن قوسۋ ارقىلى استانا قالاسىنىڭ قۇلاقتاندىرۋ جۇيەلەرىن تەكسەرۋىن جۇرگىزەدى، دەپ حابارلايدى ەلوردا اكىمدىگىنىڭ رەسمي سايتى.
توتەنشە جاعدايلار دەپارتامەنتىنىڭ قىزمەتكەرلەرى ەلوردا تۇرعىندارى مەن قوناقتارىن سابىرلىق ساقتاۋعا، ۇرەيلەنبەۋگە شاقىرادى.
«توتەنشە جاعداي ورىن العان كەزدە نەمەسە توتەنشە جاعدايدىڭ ورىن الۋىنا ءقاۋىپ تونگەن كەزدە ەلەكتر دابىلدارى نەمەسە باسقا دا دابىل قۇرالدارى قوسىلادى، ول «بارشاڭىزدىڭ نازارىنا!» ءبىرىڭعاي قۇلاقتاندىرۋ دابىلىن بىلدىرەدى. بەلگىلى ءبىر جاعدايدا جاسالاتىن ءىس- ارەكەتتەر تۋرالى اقپاراتتار مەن نۇسقاۋلىقتاردى الۋ ءۇشىن بۇل دابىلدى ەستىگەن كەزدە تۇرعىندار مىندەتتى تۇردە قولايلى اقپارات قۇرالدارىن قوسۋى كەرەك»، - دەلىنگەن تاراتىلعان حابارلامادا.
