قايرات ءابدىراحمانوۆتىڭ ا ق ش- قا ساپارى باستالدى
بۇل تۋرالى س ءى م باسپا ءسوز قىزمەتى حابارلايدى.
كونفەرەنسيا قارساڭىندا، ياعني 25- شىلدەدە ق. ءابدىراحمانوۆ ا ق ش مەملەكەتتىك دەپارتامەنتىنىڭ باسشىلىعىمەن، سونىڭ ىشىندە مەملەكەتتىك حاتشىنىڭ ءبىرىنشى ورىنباسارى دجون سالليۆان جانە 1990-جىلداردىڭ ەكىنشى جارتىسىندا ا ق ش سەناتورى رەتىندە جىبەك جولى ستراتەگياسى فورماتىندا ىنتىماقتاستىقتى دامىتۋعا قاتىستى باستاما كوتەرگەن، ءدىني بوستاندىق جونىندەگى ەلشىسى سەم براۋنبەكتىڭ قاتىسۋىمەن ءبىرقاتار كەزدەسۋلەر وتكىزدى.
ديپلوماتتار قازاقستان- ا ق ش قاتىناستارى جوعارى قارقىنمەن دامىپ وتىرعانىن، سونداي-اق پرەزيدەنت نۇرسۇلتان نازاربايەۆتىڭ 2018-جىلعى قاڭتارداعى ۆاشينگتونعا جاساعان رەسمي ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن اتاپ ءوتتى. تاراپتار قازاقستان مەن ا ق ش اراسىنداعى ساياسي جانە ساۋدا-ەكونوميكالىق ىنتىماقتاستىقتى كەڭەيتۋگە ەرەكشە نازار اۋداردى.
سول كۇنى مينيستر ق. ءابدىراحمانوۆ امەريكاندىق جەتەكشى كومپانيالار مەن كورپوراتسيالاردىڭ باسشىلىعىمەن كەزدەسىپ، ولاردى قازاقستاندا بۇگىنگى كۇنى بيزنەس جۇرگىزۋ ءۇشىن جاسالىپ جاتقان جاڭا قولايلى جاعدايلارمەن تانىستىردى. كەلىسىمدەردىڭ جوعارى دەڭگەيدە، قازاقستان جانە ا ق ش پرەزيدەنتتەرى اراسىندا تابىستى جۇزەگە اسىرىلۋى ارقاسىندا، ىسكەرلىك بەلسەندىلىكتىڭ، سونىمەن قاتار قازاقستان ەكونوميكاسىنا امەريكاندىق ينۆەستيتسيالاردىڭ كەلۋىنىڭ ارتقانى اتاپ ءوتىلدى.
مينيستر مەملەكەت باسشىسىنىڭ جۇرگىزىپ وتىرعان قازاقستاندىق ەكونوميكانى ءارتاراپتاندىرۋ ساياساتىن ەسكەرە وتىرىپ، ءىرى جوعارى تەحنولوگيالىق جوبالاردى ىسكە اسىرۋ ءۇشىن، ونىڭ ىشىندە وڭدەۋ ونەركاسىبى، كولىك ينفراقۇرىلىمى، اۋىل شارۋاشىلىعى، بايلانىس جانە IT- تەحنولوگيالاردى دامىتۋ سالالارىندا امەريكالىق تاجىريبە مەن كاپيتالدى اۋقىمدى تۇردە تارتۋعا قازاقستان قىزىعۋشىلىق تانىتىپ وتىرعانىنا نازار اۋداردى.
وسى جانە باسقا دا كوپتەگەن جوبالار قازاقستاندىق رەسمي تۇلعالاردىڭ ا ق ش- قا جانە امەريكالىق ساۋدا ميسسيالارىنىڭ قازاقستانعا جاسايتىن الداعى ساپارلارى بارىسىندا ازىرلەنىپ ىسكە اسىرىلاتىن بولادى.
