08:29, 10 - شىلدە 2018 | GMT +5
بۇگىن فۋتبولدان الەم چەمپيوناتىندا العاشقى فيناليست انىقتالادى
استانا. قازاقپارات - بۇگىن رەسەيدە ءوتىپ جاتقان فۋتبولدان الەم چەمپيوناتىندا العاشقى فيناليست انىقتالاتىن بولادى، دەپ حابارلايدى قازاقپارات ءتىلشىسى.
استانا ۋاقىتىمەن ساعات 00.00 دە اقتىق سايىسقا شىعۋ ءۇشىن بەلگيا مەن فرانسيا شەبەرلىك بايقاساتىن بولادى. ال ەكىنشى فيناليست انگليا- حورۆاتيا اراسىندا انىقتالادى.
ەسكە سالايىق، فرانسيا قۇراماسى دانيا، اۆستراليا جانە پەرۋ كوماندالارىن جەڭىپ، «س» توبىندا ءبىرىنشى ورىنعا شىققان بولاتىن. ال پلەي-وففتا ميشەل پلاتينيدىڭ وتانداستارى ارگەنتينا مەن ۋرۋگۆايدان باسىم تۇسكەن ەدى.
ءوز كەزەگىندە بەلگيالىقتار «G» توبىندا انگليا، تۋنيس جانە پاناما قۇرامالارىنان مىقتى بولدى. شيرەك فينالدا ولار جاپونيانى جەڭدى، كەيىن سەنساتسيالىق ويىن كورسەتىپ، باستى فاۆوريت سانالعان برازيليانى جارىس جولىنان شىعاردى.
