قازاقستان مەن ب ا ءا سوتتالعان تۇلعالاردى بەرۋ تۋرالى ۋاعدالاستىققا قول جەتكىزدى
سايكەسىنشە قۇجات بۇگىن اقوردادا ەلباسى نۇرسۇلتان نازاربايەۆ پەن ءابۋ ءدابيدىڭ مۇراگەر حانزاداسى شەيح مۇحاممەد بەن زايد ءال ناحاياننىڭ كەلىسسوزدەرىنەن كەيىن راسىمدەلدى، دەپ حابارلايدى قازاقپارات ءتىلشىسى.
قازاقستان مەن بىرىككەن اراب امىرلىكتەرى اراسىندا سوتتالعان تۇلعالاردى بەرۋ تۋرالى شارتقا ق ر باس پروكۋرورى قايرات قوجامجاروۆ پەن ب ا ءا ادىلەت ءمينيسترى سۇلتان بەن سايد ءال-بادي قول قويدى. شارت سوتتالعان تۇلعالاردى ازاماتتىعى بار مەملەكەتكە جازاسىن وتەۋگە بەرۋ ماسەلەلەرى بويىنشا ىنتىماقتاستىق ءۇشىن شارتتىق- قۇقىقتىق بازا قۇرۋدى كوزدەيدى.
سونداي-اق ق ر مادەنيەت جانە سپورت ءمينيسترى ارىستانبەك مۇحامەدي ۇلى مەن ءباا مادەنيەت جانە ءبىلىمدى دامىتۋ ءمينيسترى نۋرا بينت مۇحاممەد ءال-كاابي ەكى مينيسترلىك اراسىنداعى مادەني سالاسى ىنتىماقتاستىعى تۋرالى كەلىسىمدى بەكىتتى. بۇل قۇجات ەكى ەلدىڭ مادەني جانە ونەر سالالارىنداعى ىنتىماقتاستىعىن نىعايتۋعا باعىتتالعان.
ال ق ر اقپارات جانە كوممۋنيكاتسيالار ءمينيسترى داۋرەن ابايەۆ پەن ب ا ءا سىرتقى ىستەر جونىندەگى مەملەكەتتىك ءمينيسترى انۋار بەن مۇحاممەد گارگاش ق ر اقپارات جانە كوممۋنيكاتسيالار مينيسترلىگى مەن «ساۋاب» دەراديكاليزاتسيا جونىندەگى حالىقارالىق ورتالىعى اراسىنداعى ىنتىماقتاستىق تۋرالى مەموراندۋمدى راسىمدەگەن بولاتىن. راسىمدەلگەن قۇجات اقپاراتتىق قاۋىپسىزدىك سالاسىنداعى ىنتىماقتاستىقتى دامىتۋدى قاراستىرادى.
