ەستونيا تاجىريبەسى: تالليندە تەگىن قوعامدىق كولىكتى قالاي ەنگىزدى

استانا. قازاقپارات - تاللين تۇرعىندارى قوعامدىق كولىكپەن تەگىن قاتىنايدى.

اتالعان جۇيەنىڭ ارقاسىندا جەكە كولىكپەن جۇرەتىندەرىڭ سانى ازايدى، دەپ حابارلايدى قازاقپارات ءتىلشىسى.

تاللين قالالىق كەڭەسىنىڭ ءتوراعاسى ميحەيل كىلۆارتتىڭ ايتۋىنشا، تەگىن قوعامدىق كولىك جۇيەسى وسىدان بەس جىل تولىعىمەن ەنگىزىلدى. وعان دەيىن تەك زەينەتكەرلەر عانا اقىسىز ءجۇردى. ودان كەيىن مەكتەپ وقۋشىلارى تەگىن قاتىناي باستادى.

«بايقاپ قاراساق، بيلەتتەن تۇسەتىن پايدا كوپ ەمەس. ەسەسىنە دوتاتسيانىڭ كولەمى ارتىپ كەلەدى. سەبەبى اۆتوبۋسپەن تەگىن ءجۇرۋ ءۇشىن تىركەۋگە تۇرۋ قاجەت. ال تىركەۋگە تۇرعان ادام جەكە تۇلعانىڭ سالىعىن تولەيدى. حالىق قوعامدىق كولىكپەن جۇرەمىز دەپ، جاپپاي تىركەۋگە تۇرا باستادى. سالىقتىڭ كولەمى ارتتى. سودان قوعامدىق كولىكتى تولىعىمەن اقىسىز جۇيەگە اۋىستىرۋعا شەشىم قابىلدادىق»، - دەدى م. كىلۆارت قازاقپارات تىلشىسىنە بەرگەن سۇحباتىندا.

ونىڭ ايتۋىنشا، بەس جىلدىڭ ىشىندە اتالعان باستامانىڭ ارقاسىندا جەرگىلىكتى بيۋدجەتكە ءبىراز قارجى تۇسكەن.

«قازىرگى كەزدە تالليننىڭ بيۋدجەتى 680 ميلليون ەۋرونى قۇراپ وتىر. سونىڭ 14-15 پروتسەنتى قوعامدىق كولىك سالاسىنا بولىنەدى. وتكەن جىلى قالا تۇرعىندارىنىڭ 80 پروتسەنتى قوعامدىق كولىكتى تاڭدادى. ازىرشە، بارلىعى جاپپايا ۆتوبۋسقا مىنبەسە دە، ءبىراز ادامدار جەكە كولىكتەرىن تاستاپ، قوعامدىق كولىكپەن جۇرەدى. ولار اقشاعا قاراپ وتىرعان جوق. قوعامدىق كولىكپەن جۇرگەن جىلدام ءارى ىڭعايلى»، - دەپ اتاپ كورسەتتى م. كىلۆارت.

ايتا كەتەيىك، استانادا جىبەك جولى ەلدەرى قالا مەرلارىنىڭ فورۋمى ءوتتى. بۇگىن پلەنارلىق ماجىلىسكە سوفيا ەسىمدى روبوت تا قاتىستى. ول جاساندى ينتەللەكتى بار الەمدەگى العاشقى گينويد بولىپ سانالادى.