قازاقستاننىڭ سىرتقى قارىزى ءوستى
سونىمەن، ۇلتتىق بانكتىڭ حابارلاۋىنشا، بۇل رەتتە مەملەكەتتىك سەكتور جانە «بانكتەر» قالعان الەمگە قاتىسى بويىنشا تازا كرەديتورلار بولدى، ال «باسقا سەكتورلار» تازا قارىز الۋشىلار بولىپ تابىلادى.
جالپى، 2018 -جىلعى 1 -ساۋىردەگى جاعداي بويىنشا قازاقستان رەسپۋبليكاسىنىڭ سىرتقى بورىشى 166,6 ميلليارد ا ق ش دوللارى، ال سىرتقى بورىشتىڭ ءى ج ءو-گە قاتىناسى %102,2 (جىل باسىنان باستاپ %2,8 عا جاقسارىپ) بولدى.
سىرتقى بورىش قۇرىلىمىندا %63 دى بۇرىنعىسىنشا فيرماارالىق بەرەشەك، %26 بايلانىستى ەمەس كرەديتورلار الدىنداعى «باسقا سەكتورلاردىڭ» سىرتقى بورىشى، %8 مەملەكەتتىك سىرتقى بورىش (ۇكىمەت پەن ۇلتتىق بانك)، %4 - «بانكتەر» سەكتورىنىڭ سىرتقى مىندەتتەمەلەرى (ە د ب جانە «قازاقستاننىڭ دامۋ بانكى» ا ق).
2018 -جىلعى 1- توقساندا ەلدىڭ سىرتقى بورىشى 0,8 ميلليارد ا ق ش دوللارىنا قىسقاردى. ازايۋ نەگىزىنەن قىتايدىڭ مەملەكەتتىك جانە قارجىلىق ۇيىمدارىنان تارتىلعان سىرتقى قارىزداردى وتەۋگە، سونداي-اق قازاقستاندىق ەميتەنتتەردىڭ بورىشتىق باعالى قاعازدارىنىڭ نارىقتىق قۇنىنىڭ تومەندەۋىنە جانە سونىڭ سالدارىنان ولارعا سۇرانىستىڭ قۇلدىراۋىنا بايلانىستى بولدى.
بەيرەزيدەنتتەردىڭ قولدارىنداعى كولەمى 1,4 ميلليارد ا ق ش دوللارىن قۇراعان ۇلتتىق بانكتىڭ قىسقا مەرزىمدى نوتتارى كەزەڭ ىشىندە 3 ەسەدەن استام ۇلعايىپ، ەرەكشەلەندى.
تالدامالىق ماقساتتا سىرتقى بورىش قۇرىلىمىندا 2018 -جىلعى 1 -ساۋىردە 27,1 ميلليارد ا ق ش دوللارى بولعان مەملەكەت باقىلايتىن ۇيىمداردىڭ سىرتقى بورىشى (بانكتەر مەن مەملەكەتتىك سەكتور كاپيتالىنا %50 دان استام تىكەلەي نەمەسە جاناما قاتىساتىن ۇيىمدار) جەكە كورىنەدى. 2018 -جىلعى 1-توقساندا 0,3 ميلليارد ا ق ش دوللارىنا ازايۋ شەتەلدىك ەنشىلەس ۇيىمداردان الىناتىن سىرتقى قارىزداردى يگەرۋدى جالعاستىرۋ قىتاي بانكتەرى الدىنداعى كرەديتتەردى مەرزىمىنەن بۇرىن وتەۋمەن، سونداي-اق كۆازيمەملەكەتتىك ەميتەنتتەردىڭ ەۋرووبليگاتسيالارىنىڭ نارىقتىق قۇنىنىڭ تومەندەۋىمەن تەڭەستىرۋ ەسەبىنەن بولدى.
