قازاقستان الەمدىك ەت ەكسپورتتاۋشىلارعا باسەكەلەس بولا الادى - ساعىنتايەۆ
دەپ حابارلايدى قازاقپارات ءتىلشىسى.
«اۋىل شارۋاشىلىعى قازاقستان ەكونوميكاسىنىڭ جاڭا درايۆەرى رەتىندە قاراستىرىلادى. ءبىز تاياۋ 5 جىلدىڭ ىشىندە قايتا وڭدەلەتىن اۋىل شارۋاشىلىعى ونىمدەرى ەكسپورتىنداعى ەڭبەك ونىمدىلىگى مەن كولەمىن 2,5 ەسە ارتتىرۋعا نيەتتىمىز. قازاقستان قازىردىڭ وزىندە ءبىرقاتار ەلمەن - قىتاي، يران، بىرىككەن اراب امىرلىكتەرى جانە ەۋرازيالىق ەكونوميكالىق وداقپەن جاڭا نارىقتارعا اۋىل شارۋاشىلىعى تاۋارلارىن ەكسپورتتاۋ ءۇشىن ۋاعدالاستىققا قول جەتكىزدى. تەك قىتاي باعىتىندا عانا بۇگىنگى كۇنى اۋىل شارۋاشىلىعى ونىمدەرىنىڭ 13 ءتۇرى بويىنشا تالاپتار كەلىسىلگەن. ولاردىڭ اراسىندا مۇزداتىلعان سيىر ەتى بار. ءبىز ينۆەستورلارعا اۋىل شارۋاشىلىعى تاۋارلارىن، ەڭ الدىمەن ەتتى وندىرۋدە جانە ەكسپورتتاۋدا جان- جاقتى قولداۋ كورسەتۋگە دايىنبىز»، - دەدى باقىتجان ساعىنتايەۆ.
سونىمەن قاتار ول بۇگىندە الەمدىك ەت ەكسپورتتاۋشىلارعا اينالعان برازيليا، جاڭا زەلانديا، اۆتراليا، كانادا كەزىندە وسى جولمەن وتكەندىگىن ەسكە سالدى.
«قازاقستان ينۆەستيتسيانىڭ ارقاسىندا وسىنداي ەلدەرمەن يىق تىرەستىرىپ، ءتىپتى ولارعا باسەكەلەس تە بولا الاتىندىعىنا سەنىمدىمىن. قازاقستان تابىستى بيزنەس جۇرگىزۋ ءۇشىن - زور مۇمكىنشىلىكتەر مەن پەرسپەكتيۆالار ەلى»، - دەدى ۇكىمەت باسشىسى.
پرەمەر- مينيستر قازاقستاننىڭ اگروونەركاسىپ كەشەنىنە، ونىڭ ىشىندە تاماق ونەركاسىبىنە ينۆەستيتسيا سالۋدىڭ الەۋەتى ۇلكەن ەكەنىن دە اتاپ ءوتتى. سونداي- اق اكت، تۋريزم، قارجى، ەلەكتروندى ساۋدا، ІТ- سەرۆيستەر، big data ۆەنچۋرلىق بيزنەس، جاساندى ينتەللەكت سىندى كەلەشەگى زور سالالارعا دا ينۆەستيتسيا تارتۋعا مۇددەلىلىك تانىتىلاتىندىعىن باسا ايتتى.
ايتا كەتەيىك، دوڭگەلەك ۇستەل وتىرىسى اياسىندا 4,7 ميلليارد دوللاردى قۇرايتىن 32 كوممەرتسيالىق قۇجاتقا قول قويىلدى. ينۆەستيتسيالار ەل ەكونوميكاسىنىڭ بارلىق سالالارىن قامتيتىن جوعارى تەحنولوگيالىق جوبالارعا تارتىلاتىن بولادى.
KGIR-2018 جۇمىسىنا الەمدىك ءىرى كومپانيالاردىڭ، وتاندىق بيزنەستىڭ، مەملەكەتتتىك ورگانداردىڭ 600-دەن استام وكىلى قاتىسۋدا. ەلىمىزدىڭ ينۆەستيتسيالىق دامۋىن تالقىلاۋ ءۇشىن ەلورداعا تۇركيادان - 60، ا ق ش- تان - 43، گەرمانيادان - 37، ۇلى بريتانيادان - 60، ق ح ر - 49، فرانسيادان - 28، رەسەيدەن - 30، ب ا ءا- دەن 74 ينۆەستور كەلدى.
اۆتور: مارلان جيەمباي
