دارىگەرلەردىڭ جالاقىسى قالاي كوتەرىلەدى
ءمينيستردىڭ ايتۋىنشا، بۇگىندە مەديتسينا سالاسىن ءتيىمدى باسقارۋدىڭ ارقاسىندا ءبىراز قارجىنى ۇنەمدەۋگە بولادى. وسىعان بايلانىستى مەملەكەتتىك مەكەمەلەردە كورپوراتيۆتى باسقارۋعا نەگىزگى باسىمدىق بەرىلە باستادى. بۇگىندە باقىلاۋشى كەڭەستەردىڭ سانى ارتتى. ال ونىڭ قۇرامىنا مەديتسينا قىزمەتكەرلەرى عانا ەمەس، كاسىپكەرلەر مەن قوعام بەلسەندىلەرى دە كىرە الادى. بارلىعى بىرىگىپ، ەمحانانى، يا بولماسا، ەمحانانى ءتيىمدى باسقارىپ، قارجىسىن ۇنەمدەي الادى.
«وسى اپتادا ءبىز ۇكىمەتتە جاڭا زاڭ جوباسىنا داۋىس بەردىك. وندا باقىلاۋشى كەڭەستەردىڭ مارتەبەسى كوتەرىلەدى. ءبىز مەديتسينا ۇيىمدارىنا ۇجىمدىق باسقارۋ جۇيەسىن ەنگىزىپ جاتىرمىز. ەندى، ەمحانانى جالعىز باس دارىگەر ەمەس، باسقارما مۇشەلەرى باسقاراتىن بولادى. اتالعان جۇيە بىزگە نە بەرەدى؟ ارينە، مەكەمە جۇمىسىنىڭ تيىمدىلىگى ارتادى. سوسىن جالاقى كوتەرۋگە مۇمكىندىك بار. ماسەلەن، بۇگىندە مەملەكەتتىك ەمحانا قىزمەتكەرلەرى قولعا 133 مىڭ تەڭگە السا، باسقارۋ ۇلگىسى باسقاشا مەكەمەدە 157 مىڭ تەڭگە الادى. دەمەك، ارتىق شىعىنداردى قىسقارتسا، مەديتسينا قىزمەتكەرلەرىنىڭ جالاقىسىن كوتەرۋگە بولادى» ، - دەدى ە. ءبىرتانوۆ حالىق الدىندا ەسەپ بەرۋ كەزدەسۋى كەزىندە.
ايتا كەتەيىك، بۇگىنگى كەزدەسۋ كەزىندە مينيستر فاست- فۋدتى شەكتەۋگە قاتىستى پىكىر ءبىلدىردى. بۇدان بولەك، استاناداعى پەرزەنتحانادا انالارىنان ايىرىلعان ەكى نارەستەنىڭ جاعدايى جايىندا ايتىپ بەردى. جەدەل جاردەم ماسەلەسى دە ءسوز بولدى. ءمينيستردىڭ ويىنشا، جاساندى ۇرىقتاندىرۋدى بيۋدجەت ەسەبىنەن قارجىلاندىرعان دۇرىس ەمەس.
