ورتالىق ازيا جاستارىنىڭ كەڭەسى قۇرىلادى
فورۋم بارىسىندا «جاس وتان» ءتوراعاسى دانيار سۇندەتبايەۆ ورتالىق ازيا جاستارىنىڭ كەڭەسىن قۇرۋدى ۇسىندى. ونىڭ ايتۋىنشا، قۇرىلعان كەڭەس 2019-جىلى نيۋ-يورك قالاسىندا ب ۇ ۇ- نىڭ ەكونوميكالىق جانە الەۋمەتتىك كەڭەسى وتكىزەتىن حالىقارالىق جاستار فورۋمىندا ورتالىق ازيا ەلدەرىنىڭ اتىنان قاتىساتىن بولادى.
قازاقستان جاستارىمەن قاتار، فورۋمعا قاتىسۋشىلار قىرعىزستان، تاجىكستان، تۇركمەنستان جانە رەسەي ەلدەرىنەن كەلگەن. ورتالىق ازيا ەلدەرىنەن كەلگەن قوناقتار ايماقتىڭ تۇراقتى الەۋمەتتىك-ەكونوميكالىق دامۋ ۇدەرىسىنە جاس كوشباسشىلاردىڭ قاتىسۋى تاقىرىبىن تالقىلايدى.
سونداي-اق، فورۋم قاتىسۋشىلارى مەن قوناقتارى 2019-جىلى قازاقستاننىڭ جاڭا قۇرىلعان تۇركىستان وبلىسىندا وتەتىن ورتالىق ازيا جاستارىنىڭ كەلەسى فورۋمىنا شاقىرتۋ الدى.
بەس كۇنگە سوزىلعان فورۋم ناتيجەسىندە قاتىسۋشى ەلدەر «2019-2021-جىلدار ارالىعىنداعى ءوزارا سەرىكتەستىك» تۋرالى مەموراندۋمعا قول قويادى.
