قاراعاندى وبلىسىندا ارحەولوگتار قولا ءداۋىرىنىڭ بۇيىمدارىن تاپتى

قاراعاندى. قازاقپارات - قاراعاندى وبلىسىندا ارحەولوگيالىق ەسكەرتكىشتەردى قازۋ كەزىندە قولا ءداۋىرىنىڭ تاريحي بۇيىمدارى تابىلدى، دەپ حابارلايدى قازاقپارات ءتىلشىسى.

قاراعاندى وبلىسىندا ەلباسىنىڭ «رۋحاني جاڭعىرۋ» باعدارلامالىق ماقالاسىندا كورسەتىلگەن مىندەتتەر اياسىندا ورتالىق قازاقستاننىڭ كونە مەتاللۋرگياسىنىڭ ەسكەرتكىشتەرىندە ارحەولوگيالىق- زەرتتەۋ جۇمىستارى جۇرگىزىلدى.

«ارحەولوگيالىق قازبالار بارىسىندا كونە قونىس ورىندارىندا قولادان جاسالعان جەبەنىڭ ۇشتارى، تاستان جاسالعان نايزا ۇشتارى، تاس ۇساقتاعىشتار، تۇيرەۋىشتەر، كەراميكا قالدىقتارى مەن قىش ىدىستار تابىلدى»، - دەدى قاراعاندى وبلىستىق مادەنيەت، مۇراعاتتار جانە قۇجاتتاما باسقارماسىنىڭ باسشىسى ەركەبۇلان اعىمبايەۆ.

سونداي-اق، ە. اعىمبايەۆ وبلىس بويىنشا الداعى ۋاقىتتا جۇرگىزىلەتىن زەرتتەۋ جۇمىستارىمەن ءبولىستى.

«2018 -جىلى قاراعاندى وبلىسىندا ارحەولوگيالىق جۇمىستار جالعاسىەن تابادى. بيىل اۋدانداردا ورنالاسقان كوپتەگەن كيەلى جەردەردە عىلىمي- زەرتتەۋ جۇمىستارىن جۇرگىزەمىز. مىسالى، اقتوعاي اۋدانىنداعى اينان، وسپان مازارلارى، ۇلىتاۋ اۋدانىندا جانىبەك پەن تالدىساي قورىمى زەرتتەلەدى»، - دەدى باسقارما باسشىسى.