12:17, 28 - ماۋسىم 2018 | GMT +5
پۋتين مەن ترامپقا فۋتبولشى كريشتيانۋ رونالدۋدى تالقىلاۋ ۇسىنىلدى
استانا. قازاقپارات - پورتۋگاليا پرەزيدەنتى مارسەلۋ رەبەلۋ دە سوۋزا امەريكالىق ارىپتەسى دونالد ترامپقا رەسەي پرەزيدەنتى ۆلاديمير پۋتينمەن الداعى كەزدەسۋىندە فۋتبولشى كريشتيانۋ رونالدۋدى تالقىلاۋدى ۇسىندى، - دەپ حابارلايدى Fox News.
«ءسىز فۋتبول تۋرالى ايتتىڭىز، سىزگە ءبىر ءوتىنىشىم بار. سىزگە ۇسىنىسىم بار، پۋتينمەن كەزدەسەتىن بولساڭىز، پورتۋگاليادا كريشتيانۋ رونالدۋ اتتى الەمدەگى ەڭ ۇزدىك ويىنشى بارىن ايتۋدى ۇمىتپاڭىز»، - دەيدى ول.
ال ترامپ «رونالدۋ پورتۋگاليا پرەزيدەنتىنىڭ سايلاۋىنا تۇسسە، سوۋزا ونى جەڭە المايدى» دەپ قالجىڭداپ جاۋاپ بەردى. 20- ماۋسىمدا رونالدۋ تاريحتاعى ەڭ جىلدام فۋتبولشى اتاندى. يسپانيامەن ماتچتا ول ساعاتىنا 38,6 شاقىرىم جىلدامدىقپەن جۇگىرگەن. سونىمەن بىرگە، سول ويىندا ول حەت-تريك جاسادى.
فۋتبولدان 2018-جىلعا الەم چەمپيوناتى رەسەيدىڭ 11 قالاسىنداعى 12 ستاديوندا ءوتىپ جاتىر جانە 15- شىلدەدە «لۋجنيكي» الاڭىندا اياقتالادى.
