ەلەۋسىنوۆتىڭ مەنەجەرى ونىڭ جاھاندىق دەڭگەيدەگى جۇلدىزعا اينالاتىنىن ايتتى

استانا. قازاقپارات - قازاقستاندىق بوكسشى دانيار ەلەۋسىنوۆتىڭ (2-0, 1 ك و) مەندجەرى زيا اليەۆ ءوزىنىڭ كليەنتىنەن بولاشاقتا نە كۇتەتىنىن ايتتى، دەپ حابارلايدى Sports.kz.

«ول كەرەمەت بوكسشى بولماعان شىعار، ءبىراق ونىڭ بويىندا ەرەكشە دارىن بار جانە مەن ونى كورە ءبىلدىم. دانياردىڭ باستى باسىمدىعى ونىڭ جىلدامدىعى. ول اقىلدى، وتە اقىلدى. ونىڭ سپاررينگتەرى بەينە ءبىر شاحمات ويىنىنداي. قازاقستانداعى وليمپيادا چەمپيونى، سول ەلدىڭ باتىرى، اتاق-داڭقىڭ جەتەدى. ساعان ءتىپتى كاسىبي بوكسقا اۋىسۋدىڭ دا قاجەتى جوق. ونسىز دا ءبارى جاقسى، حالىق سەنى سىيلايدى، قۇرمەت تۇتادى. ەددي حيرن بولسا بوكسقا جاڭا لەپ اكەلدى. ونىڭ ەنتوني دجوشۋانى قانداي بيىكتەرگە جەتكىزگەندىگىن كوردىك. كەرەمەت! اڭگىمە تەك بەلدىكتەر تۋرالى عانا بولىپ جاتقان جوق. ەددي حيرن ودان جاھاندىق دەڭگەيدەگى جۇلدىز جاسادى. ول ونى بۇكىل الەمگە ايگىلى ەتتى. مەنىڭشە، ول دانيارمەن دە وسىنداي بيىكتەردى باعىندىرا الادى»، - دەدى اليەۆ Boxing News-كە بەرگەن سۇحباتىندا.